Ekipaž «Artemida-2» vyjaviŭ na Miesiacy dva novyja kratary. Adzin ź ich nazvali ŭ honar pamierłaj žonki kamandzira misii
Kasmanaŭty vyjšli na suviaź z kamandnym centram.
«Naša navukovaja hrupa dapamahła nam znajści niekalki novych krateraŭ, jakija raniej nie byli nazvanyja. I naša kamanda chacieła b prapanavać niekalki nazvaŭ», — skazaŭ Džeremi Chansien.
Pieršy ź ich nazvali Integrity — u honar kaśmičnaha karabla Orion CM-003 Integrity, na jakim laciać astranaŭty.
Druhi kratar, jaki možna ŭbačyć ź Ziamli tolki ŭ peŭnyja fazy miesiacovaha cykłu, atrymaŭ bolš asabistuju nazvu.
«Niekalki hadoŭ tamu, kali my pačali hetaje padarožža, naša zhurtavanaja astranaŭckaja siamja straciła blizkaha čałavieka… Na Miesiacy jość adno vielmi cikavaje miesca. Heta jarkaja plama, bačnaja tolki ŭ peŭnyja momanty, i my chacieli b nazvać jaje Kerał», — pieradali astranaŭty na Ziamlu.
Kerał — žonka kamandzira ekipaža Ryda Uajsmiena. Jana pamierła ad ankałahičnaha zachvorvańnia ŭ 2020 hodzie. U ich zastalisia dźvie dački — Keci i Eli, jakija ciapier zmohuć bačyć na Miesiacy krater, nazvany ŭ honar mamy.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary