Ekipaž adnaviŭ suviaź z centram kiravańnia paśla 40‑chvilinnaj paŭzy, kali karabiel znachodziŭsia ŭ radyjociani za advarotnym bokam Miesiaca. Adrazu paśla adnaŭleńnia kantaktu astranaŭtka Kryścina Koch źviarnułasia da Ziamli z pasłańniem.
Astranaŭtka Kryścina Koch zajaviła, što ekipaž misii «Artemida-2» paśpiachova ździejśniŭ ablot Miesiaca i ŭstanaviŭ novy rekord najbolš addalenaha znachodžańnia čałavieka ŭ kosmasie za ŭsiu historyju.
Padčas ablotu spadarožnika kaśmičny karabiel «Aryjon» dasiahnuŭ adlehłaści kala 400 tysiač kiłamietraŭ (252 756 mil) ad Ziamli. Tak misija Artemis II aficyjna pierasiahnuła rekord dalokaści palotu piłatavanaha aparata, ustanoŭleny astranaŭtami «Apałon-13» u 1970 hodzie.
Ekipaž adnaviŭ suviaź z centram kiravańnia paśla 40‑chvilinnaj paŭzy, kali karabiel znachodziŭsia ŭ radyjociani za advarotnym bokam Miesiaca.
Adrazu paśla adnaŭleńnia kantaktu astranaŭtka Kryścina Koch źviarnułasia da Ziamli z pasłańniem.
«Kali my pačali hety palot da Miesiaca, ja skazała, što my nie pakidajem Ziamlu, a vybirajem jaje. I heta praŭda. My budziem daśledavać. My budziem budavać. My budziem budavać karabli. My znoŭ naviedajem Ziamlu. My pabudujem navukovyja avanposty. My budziem kiravać marsachodami. My budziem zajmacca radyjoastranomijaj. My budziem zasnoŭvać kampanii. My budziem raźvivać pramysłovaść. My budziem natchniać. Ale ŭrešcie my zaŭsiody budziem vybirać Ziamlu. My zaŭsiody budziem vybirać adzin adnaho», — skazała jana.
U skład ekipaža ŭvachodziać kamandzir Ryd Uajzman, piłot Viktar Hłovier i śpiecyjalisty misii Kryścina Koch i Džeremi Chansien.
Ludzi ŭpieršyniu za paŭstahodździa pabačyli Miesiac z advarotnaha boku FOTA
Astranaŭty z «Aryjona» prysłali FOTA Ziamli
U astranaŭtaŭ «Artemidy II» ŭźnikła pieršaja prablema: złamałasia kaśmičnaja prybiralnia
Čamu ludzi paŭstahodździa nie lotali da Miesiaca?
ZŠA adpravili kaśmičny karabiel z astranaŭtami na Miesiac
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Ja dumaju, jana kaža, što čałaviek, u svaim materyjalnym vyhladzie, nikoli nie pakinie Ziamlu, bo nie stvorany dla hetaha. Palot dapamoh joj u hetym pierakanacca.