Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie
Saviet Respubliki ŭchvaliŭ zakonaprajekt, jaki nie prosta karektuje dziejnyja normy, a ŭvodzić novyja składy pravaparušeńniaŭ.
Biełaruskija ŭłady praciahvajuć zakručvać hajki ŭ śfiery ideałohii i pryvatnaha žyćcia.
Saviet Respubliki 2 krasavika ŭchvaliŭ zakonaprajekt «Ab źmianieńni kodeksaŭ pa pytańniach administracyjnaj adkaznaści».
«Usiaho ŭ KaAP uviedziena 9 novych artykułaŭ, 43 novych składaŭ administracyjnych pravaparušeńniaŭ, u dziejučyja składy ŭniesieny 73 karekciroŭki», — paviedamiŭ dyrektar Nacyjanalnaha centra zakanadaŭstva i pravavoj infarmacyi Andrej Macielski.
Rezanansnaj častkaj źmienaŭ stała ŭviadzieńnie adkaznaści za «prapahandu homasieksualnych adnosin, źmieny połu, biaździetnaści i piedafilii» — u adnym šerahu.
Dla parušalnikaŭ praduhledžanyja štrafy:
fizičnyja asoby: da 20 bazavych vieličyń;
indyvidualnyja pradprymalniki: da 100 bazavych;
jurydyčnyja asoby: ad 100 da 150 bazavych.
Kali ž siłaviki paličać, što z takoj infarmacyjaj aznajomiŭsia niepaŭnaletni, pakarańnie ŭzmacniajecca: akramia pavialičanych štrafaŭ, hramadzianam buduć pahražać hramadskija raboty abo administracyjny aryšt.
Akramia taho, uviedziena adkaznaść za «niezakonnaje pradstaŭleńnie Respubliki Biełaruś na mižnarodnych mierapryjemstvach».
Što heta, pakul nie tłumačycca, ale možna mierkavać, što heta ŭdar pa aktyvistach i palitykach u emihracyi. Jakoje pakarańnie za heta, pakul nie viadoma.
Abnoŭleny kodeks ustupić u siłu paśla podpisu Alaksandram Łukašenkam.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
Bo novaje parušeńnie «niezakonnaje pradstaŭleńnie Respubliki Biełaruś na mižnarodnych mierapryjemstvach» mienavita pra jaho.