Śledčy kamitet raspavioŭ pra kryminalnuju spravu suprać Vadanosavaj
Śledčy kamitet raspavioŭ padrabiaznaści kryminalnaj spravy pa artykule za reabilitacyju nacyzmu ŭ dačynieńni da 39-hadovaj Kaciaryny Kałančuk-Vadanosavaj. U adroźnieńni ad prakuratury, SK nazvaŭ jaje imia.
Pavodle SK, Kałančuk-Vadanosava, znachodziačysia za miažoj i dziejničajučy «ŭ ščylnaj zmovie z ekstremisckimi farmiravańniami praz padkantrolny im publičny YouTube-kanał, sistematyčna i metanakiravana vyrablaje i raspaŭsiudžvaje materyjały, nakiravanyja na reabilitacyju nacyzmu».
SK śćviardžaje, što asnoŭnaja meta Vadanosavaj — «realizacyja ideałahičnaj dyviersii, zamaskiravanaj pad aśvietnickija lekcyi».
«Jana hruba falsifikuje i skažaje histaryčnyja fakty, manipulujučy asobnymi epizodami biełaruskaj historyi dla reabilitacyi nacyzmu i hieraizacyi jaho paśladoŭnikaŭ», — zajaŭlaje SK.
Pretenzii siłavikoŭ vyklikaŭ siužet pra Vilhielma Kube.
«Prasłaŭlajucca taksama chaŭruśniki akupantaŭ», — piša SK.
«Kantent naŭmysna raźličany na nieabmiežavanuju aŭdytoryju, — davodzić SK, — i nakiravany na toje, kab pierapisać historyju, apraŭdać nacysckija złačynstvy, pasiejać revanšysckija nastroi i padarvać fundamientalnyja kaštoŭnaści biełaruskaha naroda: pamiać pra Vialikuju Pieramohu, pavahu da podźvihu prodkaŭ, nieprymirymaść da nacyzmu i fašyzmu».
Dziejańni Vadanosavaj SK kvalifikavanyja pa častcy 3 artykuła 130‑1 Kryminalnaha kodeksa Respubliki Biełaruś — heta reabilitacyja nacyzmu, ździejśnienaja hrupaj asob pa papiaredniaj zmovie z vykarystańniem hłabalnaj kampjutarnaj sietki internet.
-
Zamiest mietaładachoŭki — dubovaja dranica. U centry Viciebska na miescy milicyi adkryłasia kaviarnia ŭ biezdakorna adnoŭlenym 200‑hadovym budynku
-
«Ludzi damovilisia ŭ adzin čas vyjści ŭ łakalnyja ŭčastki i bić usich aktyvistaŭ». Ihar Łosik raskazaŭ pra bunt u Navapołackaj kałonii
-
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska3
Kamientary
jaki sam źjaŭlajecca chaŭruśnikam rasiejskich akupantaŭ.
Dzie kryminalnyja spravy na tych hramadzian Biełarusi - kiraŭnikoŭ, jakija dapamahali rasiejskim akupantam?
Takim čynam SK parušaje artykuł biaździejańnie słužbovaj asoby i budzie pryciahnuty da adkaznaści.
Tak čto plevať nam na vaši obvinienija, tak kak suť vaša - podłosť i zło