У панядзелак пачынаецца восень, варта рыхтавацца да жоўтай лістоты, пахмурнага неба і дажджоў. Але пакуль яшчэ сіноптык Дзмітрый Рабаў дае нядрэнны прагноз на тыдзень з 1 па 7 верасня.
На пачатку тыдня на надвор’е будзе ўплываць антыцыклон і цёплыя вільготныя паветраныя масы. Чакаецца зменлівая воблачнасць, істотных ападкаў не прагназуецца. Уначы і раніцай магчымы слабы туман. Начныя тэмпературы — ад +10 да +17 °C. Удзень у панядзелак чакаецца +22…+27 °C, у аўторак — ад +21 у Віцебску да +30 у Брэсце.
У сярэдзіне тыдня заходнія раёны апынуцца пад уплывам атмасфернага фронту, што выкліча кароткачасовыя дажджы. На астатняй тэрыторыі ападкі малаверагодныя. Зноў чакаецца зменлівая воблачнасць, уначы і раніцай — слабы туман. Вецер паўднёва-ўсходні, умераны. Ноччу +11…+17 °C, удзень у сераду +21…+26 °C.
У другой палове тыдня надвор’е застанецца адносна спрыяльным, хоць тэмпература крыху панізіцца. Месцамі магчымыя дажджы — ад умераных да моцных. Начныя тэмпературы +11…+16 °C, удзень у чацвер +22…+25 °C, у пятніцу +19…+24 °C.
На першыя выходныя восені прагназуецца па-ранейшаму ўмерана цёплае надвор’е без істотных ападкаў.
Вецер — заходні, паўднёва-заходні, умераны. Вільготнасць да 70%. Ноччу +11…+17 °C, удзень у суботу +21…+25 °C, у нядзелю +21…+27 °C.
Цяпер чытаюць
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі11
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары