Падлетак з Барысава паехаў да сястры ў Мінск, і гэта шмат каштавала ягоным бацькам
Паездка падлетка з Барысава да сястры ў Мінск каштавала ягоным бацькам 24 тысячы беларускіх рублёў, паведамілі ў Генеральнай пракуратуры.
У лістападзе 2025 года 16‑гадовы падлетак прыехаў у Мінск у госці да сястры, але з ёй так і не сустрэўся. Замест гэтага ён піў алкагольныя напоі з двума малазнаёмымі маладымі людзьмі.
Уначы пасля застолля падлетак залез на закрытую паркоўку на вуліцы Макаёнка і пачаў біць чужы аўтамабіль нагамі, рукамі, цэглай і іншымі прадметамі. Эксперты налічылі не менш за 40 удараў.
Акрамя таго, ён зламаў таблічкі з нумарамі парковачных месцаў і дарожны знак. Пасля гэтага падлетак залез у машыну праз разбітую шыбу і заснуў у салоне. Там яго і знайшоў уладальнік аўтамабіля разам з ахоўнікам.
Агульная сума шкоды склала больш за 24 тысячы беларускіх рублёў. Бацькі падлетка ўжо кампенсавалі гэтыя страты.
Суд прызнаў хлопца вінаватым у хуліганстве і пашкоджанні аўтамабіля і маёмасці арганізацыі, што прывяло да значнай матэрыяльнай шкоды. Падлетку прызначылі пакаранне ў выглядзе паўтара года абмежавання волі без накіравання ў папраўчую ўстанову адкрытага тыпу («хатняя хімія»).
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары