Праверка баявой гатоўнасці беларускага войска працягваецца ў вайскова-паветраных сілах і войсках супрацьпаветранай абароны, паведаміў дзяржаўны сакратар Рады бяспекі Аляксандр Вальфовіч.
Са слоў Вальфовіча, Аляксандр Лукашэнка даручыў правесці поўнамаштабную праверку баявой гатоўнасці войска, якая павінна завяршыцца вучэннямі. Асноўнай задачай для войска ў гэтым годзе вызначана захаванне дасягнутага ўзроўню гатоўнасці, высокай падрыхтоўкі і зладжанасці падраздзяленняў.
Вальфовіч адзначыў, што праверка асабліва актуальная для ВПС і войскаў СПА, бо, маўляў, нават у мірны час яны выконваюць баявую задачу аховы паветранай прасторы і межаў Беларусі. Таму неабходна пераканацца, што ВПС і СПА здольныя супрацьстаяць сучасным пагрозам.
Падчас праверкі будуць ацэньваць здольнасць хутка павялічыць склад дзяжурных сіл, а таксама магчымасць супрацьстаяць магчымым сродкам паветранага нападу. Асобна будуць адпрацоўвацца задачы авіяцыйнай падтрымкі войскаў.
Большасць вайсковых часцей, у тым ліку падраздзяленні сіл неадкладнага рэагавання, высоўваюцца ў вызначаныя раёны, дзе пачнуць умоўнае нясенне баявога дзяжурства. Вайсковая авіяцыя таксама будзе адпрацоўваць перабазаванне на розныя аэрадромы, у тым ліку запасныя і аператыўныя.
Акрамя таго, падчас праверкі ўмоўна будуць дзейнічаць дыверсійна-разведвальныя групы супраціўніка. Будзе правярацца, як войскі арганізуюць ахову, вартавую службу і агульнае забеспячэнне.
Да канца года ў серыйную вытворчасць збіраюцца запусціць беларускі аўтамат
Вальфовіч пракаментаваў заявы СВР і папрасіў Еўропу не дыктаваць Беларусі, як жыць
Лукашэнка сказаў, што Хрэнін будзе ў маі здаваць нарматывы
Лукашэнка прыехаў на «раптоўную» праверку боегатоўнасці Узброеных сіл. Міністра папярэдзілі а 7‑й раніцы
Вальфовіч упэўнены, што савецкая вайсковая тэхніка ў Беларусі праслужыць яшчэ гадоў з 20
Падчас праверкі баявой гатоўнасці арміі Лукашэнка абышоўся без Хрэніна
Каментары