Чарговая ўдзельніца «Міс Беларусь» уладкавалася на працу на СТБ
Вераніка Рум (у дзявоцтве Каробка) на «Міс Беларусь» трапіла з трэцяй спробы. Кароны не атрымала, затое жыццё прыгажуні пасля склалася даволі паспяхова. Цяпер жа яна пахвалілася ў сацсетках, што будзе расказваць навіны на тэлебачанні.
Вераніка нарадзілася ў Нясвіжы. У школе настаўніцы называлі сімпатычную дзяўчыну мадэллю. Але бацькі былі супраць такой кар'еры і настаялі, каб дачка пайшла вучыцца на юрыдычны факультэт БДУ.
У Мінску Вераніка кінулася штурмаваць кастынгі, але без асаблівага поспеху. На «Міс Беларусь» прабілася з трэцяй спробы — у 2016 годзе. У выніку трапіла ў топ-10 і атрымала квіток у шыкоўнае жыццё.
Спачатку яна стала афіцыйным тварам футбольнага клуба «Гарадзея». Вераніку пачалі клікаць вядучай на дзяржаўныя мерапрыемствы — накшталт Нацыянальнай тэатральнай прэміі.
Пасля яна атрымала ролю ў кліпе гурта «Тяни-Толкай» — грала страшную сакратарку Паўла Клышэўскага (той быў у вобразе дэпутата).
У 2017 годзе дзяўчына паехала ў Турцыю на конкурс прыгажосці «Міс 7 кантынентаў». Пра дзіўную сістэму ацэньвання там Вераніка распавядала ў інтэрв'ю: маўляў, журы глядзела нават на тое, колькі кактэйляў канкурсантка можа выпіць падчас вячэры. А саму яе ледзь не дыскваліфікавалі праз тое, што Вераніка хацела сустрэцца з сябрам. Але ў выніку дзяўчына атрымала карону.
Пасля здымалася для розных брэндаў, шмат вандравала па Еўропе — распавядала ў інстаграме, як моцна яе расчаравала Манака. А таксама публікавала фотаздымкі з прыватных самалётаў.
У 2021 годзе Вераніка выйшла замуж за бізнэсмена Дзяніса Рума. Дарэчы, разам з ім заклікала пайсці прагаласаваць за Лукашэнку на апошніх выбарах.
У 2024 годзе запусціла сваю мадэльную школу Rum Models. А цяпер пахвалілася, што ўладкавалася на тэлебачанне. Вераніка апублікавала ў сацсетках здымак з подпісам: «Цяпер галоўныя падзеі краіны — маім голасам. Ваша вядучая навін на СТБ».
Дарэчы, там ужо працуюць іншыя ўдзельніцы любімага конкурсу прыгажосці Лукашэнкі — Элеанора Качалоўская (міс Беларусь — 2023) і Настасся Лаўрынчук (віцэ-міс Беларусь — 2018).
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары
[Зрэдагавана]