19 мая канал каля аграгарадка Ждановічы, прызначаны для вяслярнага слалама, запоўніўся моцным патокам вады, хоць звычайна яе там амаль няма. Гэта адбылося, верагодна, з-за тэхнічнага скіду вады з Заслаўскага вадасховішча (Мінскага мора). У выніку траса набыла выгляд сапраўднай горнай ракі, піша Pristalica.by.
На месцы нават з’явіліся байдарачнікі і іншыя аматары воднага спорту — яны скарысталіся магчымасцю пакатацца па хуткай плыні і атрымаць экстрэмальныя ўражанні.
Шмат хто ў сацсетках адзначыў, што ніколі раней не бачыў канал у такім стане, бо ён большую частку часу застаецца сухім. Некаторыя карыстальнікі нават спачатку падумалі, што відэа згенеравана нейрасеткамі — настолькі незвычайна выглядаў паток вады.
Гэты аб’ект быў пабудаваны ў 1981 годзе як траса для спаборніцтваў па вяслярным слаламе і выкарыстоўваўся для трэніровак спартсменаў. Аднак пасля яго занядбалі: вада туды трапляе рэдка і толькі пры пэўных тэхнічных умовах. Апошні раз гэта было два гады таму.
Мінскія ўлады расказалі, як будуць змагацца з «акіянам аўтамабіляў» у дварах2
Каментары