У Варшаве прайшлі публічныя чытанні «Дзядоў» Міцкевіча. Удзельнічалі і беларусы
У Варшаве 5 верасня прайшлі публічныя чытанні паэмы Адама Міцкевіча «Дзяды». У мерапрыемстве, якое адбылося ў цэнтры польскай сталіцы каля помніка паэту, узялі ўдзел таксама беларускія акцёры Аляксей Сапрыкін і Бажэна Шамовіч, піша выданне Reform.news.
Мерапрыемства стала часткай агульнапольскай акцыі «Нацыянальнае чытанне». Гэта штогадовая культурная ініцыятыва, падчас якой па ўсёй Польшчы публічна чытаюць творы польскай літаратурнай класікі. Сёлета для акцыі выбралі «Дзяды» Адама Міцкевіча — твор, які мае цесную сувязь з беларускай культурнай традыцыяй.
На мерапрыемства ў Варшаве па запрашэнні прэзідэнта Польшчы Караля Наўроцкага таксама прыйшла Святлана Ціханоўская. Падчас цырымоніі на экранах паказвалі, сярод іншага, помнік Адаму Міцкевічу ў Мінску.
Мінскія ўлады расказалі, як будуць змагацца з «акіянам аўтамабіляў» у дварах2
Каментары