Ці дайшла зорка «Універа» на вяселле мінчанкі Лізаветы, куды яго клікаў увесь Threads?
Вяселле адбылося 7 сакавіка.
Нагадаем: беларуска Лізавета, майстар па нарошчванні валасоў, вырашыла запрасіць на вяселле расійскага актора і спевака Стаса Ярушына.
Апошнім часам той даволі часта бывае ў Мінску. Па-першае, Стас ужо не першы год сядзіць у журы шоу БТ «Фактар.бай». Па-другое, нядаўна выпусціў сумесную песню з маладой беларускай спявачкай Настай Краўчанка і цяпер актыўна піярыць трэк. Нядаўна, напрыклад, артысты засвяціліся на хакейным матчы «Дынама-Мінск», дзе для шматлікай аўдыторыі ўключылі іх песню «Выдыхай».
Нядаўна яго праз Threads запрасіла на сваё вяселле мінчанка Лізавета.
Імаверна, яна даўно планавала паклікаць да сябе на свята кагосьці вядомага. У лютым Лізавета пракаментавала пост, дзе раілі адпраўляць запрашэнне на вяселле кожнаму мільярдэру, чый адрас атрымаецца знайсці — маўляў, ёсць шанс, што тады іх асістэнты дашлюць вам падарунак.
Лізавета ў тым каментары папрасіла дасылаць ёй адрасы мільярдэраў, каб скарыстацца парадай. Потым дзяўчына расказвала, што яе вясельная арганізатарка прапанавала ёй даслаць запрашэнні спеваку Прохару Шаляпіну і акцёру Дзмітрыю Нагіеву.
Але ж нявеста выбрала зорку серыяла «Універ». Дапамагаць суайчынніцы кінуўся амаль увесь беларускі Threads — людзі заклікалі Стаса Ярушына прыняць запрашэнне.
Той у выніку адрэагаваў. Вяселле адбылося 7 сакавіка. Віншаваць беларускіх маладзёнаў Стас не прыехаў. Але ж даслаў відэа на 5 хвілін, якое прадэманстравалі гасцям падчас банкету.
Пачыналася яно так: «Што з намі ўсімі зрабіў Threads? Чортава памыйніца! Але там ёсць і нармальныя людзі, я ж ведаў. Такія вось добрыя, як вы».
Падарунак Стас таксама даслаў — гэта быў вінілавы дыск з яго новым альбомам.
Калі казаць пра пазіцыю Ярушына па вайне, то ён крытыкаваў расіян, якія пакінулі краіну пасля пачатку ўварвання ва Украіну, а таксама прасіў дасылаць спальныя мяшкі мабілізаваным.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
ни мозгов, ни чести, ни совести.