Ci dajšła zorka «Univiera» na viasielle minčanki Lizaviety, kudy jaho klikaŭ uvieś Threads?
Viasielle adbyłosia 7 sakavika.
Nahadajem: biełaruska Lizavieta, majstar pa naroščvańni vałasoŭ, vyrašyła zaprasić na viasielle rasijskaha aktora i śpievaka Stasa Jarušyna.
Apošnim časam toj davoli časta byvaje ŭ Minsku. Pa-pieršaje, Stas užo nie pieršy hod siadzić u žury šou BT «Faktar.baj». Pa-druhoje, niadaŭna vypuściŭ sumiesnuju pieśniu z maładoj biełaruskaj śpiavačkaj Nastaj Kraŭčanka i ciapier aktyŭna pijaryć trek. Niadaŭna, naprykład, artysty zaśviacilisia na chakiejnym matčy «Dynama-Minsk», dzie dla šmatlikaj aŭdytoryi ŭklučyli ich pieśniu «Vydychaj».
Niadaŭna jaho praz Threads zaprasiła na svajo viasielle minčanka Lizavieta.
Imavierna, jana daŭno płanavała paklikać da siabie na śviata kahości viadomaha. U lutym Lizavieta prakamientavała post, dzie raili adpraŭlać zaprašeńnie na viasielle kožnamu miljarderu, čyj adras atrymajecca znajści — maŭlaŭ, jość šans, što tady ich asistenty dašluć vam padarunak.
Lizavieta ŭ tym kamientary paprasiła dasyłać joj adrasy miljarderaŭ, kab skarystacca paradaj. Potym dziaŭčyna raskazvała, što jaje viasielnaja arhanizatarka prapanavała joj dasłać zaprašeńni śpievaku Procharu Šalapinu i akcioru Dźmitryju Nahijevu.
Ale ž niaviesta vybrała zorku sieryjała «Univier». Dapamahać suajčyńnicy kinuŭsia amal uvieś biełaruski Threads — ludzi zaklikali Stasa Jarušyna pryniać zaprašeńnie.
Toj u vyniku adreahavaŭ. Viasielle adbyłosia 7 sakavika. Vinšavać biełaruskich maładzionaŭ Stas nie pryjechaŭ. Ale ž dasłaŭ videa na 5 chvilin, jakoje prademanstravali haściam padčas bankietu.
Pačynałasia jano tak: «Što z nami ŭsimi zrabiŭ Threads? Čortava pamyjnica! Ale tam jość i narmalnyja ludzi, ja ž viedaŭ. Takija voś dobryja, jak vy».
Padarunak Stas taksama dasłaŭ — heta byŭ viniłavy dysk ź jaho novym albomam.
Kali kazać pra pazicyju Jarušyna pa vajnie, to jon krytykavaŭ rasijan, jakija pakinuli krainu paśla pačatku ŭvarvańnia va Ukrainu, a taksama prasiŭ dasyłać spalnyja miaški mabilizavanym.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary
ni mozhov, ni čiesti, ni soviesti.