Сіноптык Дзмітрый Рабаў у эфіры АНТ паведаміў, якім будзе надвор’е ў Беларусі ныхпасля 8 сакавіка. Паводле яго слоў, з 9 да 15 сакавіка чакаецца паступовае пацяпленне.
Пацяпленне звязана з актыўнымі паўднёвымі паветранымі плынямі, якія павысяць тэмпературу прыкладна на 3—5 градусаў вышэй за норму для гэтага часу. У выніку снег будзе хутка раставаць.
Пры гэтым на поўначы і ўсходзе краіны будзе крыху халадней, а на паўднёвым захадзе — значна цяплей. У большасці рэгіёнаў ападкаў не чакаецца, але магчымыя туманы.
Пачатак тыдня будзе знаходзіцца пад уплывам антыцыклону і цёплых паветраных мас з паўднёвага захаду Еўропы. У панядзелак ноччу тэмпература складзе ад —4 на ўсходзе да +2 на захадзе, а ўдзень — ад +4 у Віцебскай вобласці да +15 у Брэсцкай. У аўторак ноччу чакаецца ад —3 да +3, а ўдзень — ад +9 да +15, у цэнтры краіны каля +10. Вецер будзе паўднёва-заходні, умераны.
У сераду і чацвер надвор’е будзе вызначаць вобласць высокага ціску, таму захаваецца пераважна сухое надвор’е. У сераду ноччу прагназуюць ад —1 да +5, а ўдзень — ад +6 у Віцебскай вобласці да +16 у Гродзенскай і Брэсцкай. У чацвер ноччу таксама ад —1 да +5, а ўдзень — ад +5 на поўначы да +14 на паўднёвым захадзе.
У пятніцу істотных змен не чакаецца: у большасці раёнаў без ападкаў, паўднёва-заходні ўмераны вецер і павышаная вільготнасць. Ноччу будзе ад 0 да +7, а ўдзень — ад +6 на ўсходзе да +10 — +14 у Брэсцкай і Гродзенскай абласцях.
На выхадных надвор’е крыху зменіцца з-за цыклону з Балтыкі. Ён прынясе кароткачасовыя дажджы і больш ветранае надвор’е. У суботу ноччу тэмпература будзе ад —1 на паўночным усходзе да +5 на захадзе, а ўдзень — ад +9 на поўначы да +14 на паўднёвым захадзе. У нядзелю ноччу чакаецца ад —1 да +5, а ўдзень — ад +5 у Віцебскай вобласці да +13 у Брэсцкай і Гродзенскай.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»5
Каментары