21‑гадовы Яраслаў пайшоў ваяваць услед за бацькам.
На вайне загінуў сын расійскага неанацыста і байца ММА Вячаслава Дацыка.
21‑гадовы Яраслаў Дацык загінуў пасля атакі FPV-дрона. Гэта адбылося на запарожскім кірунку, паведамляе «Спорт-экспрэс». Па словах відавочцы, Дацык і яшчэ адзін баец не паспелі схавацца і засталіся на адкрытай мясцовасці.
Яраслаў падпісаў кантракт з Мінабароны ў лютым 2024 года і адправіўся на фронт разам з бацькам. Яны ўвайшлі ў склад 31‑й асобнай гвардзейскай дэсантна-штурмавой брыгады і былі раскватараваныя ва Ульянаўску.
Вячаслаў Дацык па мянушцы «Руды Тарзан» неаднаразова сядзеў у турме за рабаванні і разбой. Вядомы сваімі неанацысцкімі поглядамі.
У ліпені 2025‑га ТАСС паведамляў, што Дацык-старэйшы працягвае ваяваць за Расію і не плануе вяртацца ў спорт. У Вячаслава ёсць таксама дзве дачкі: 17‑гадовая Васіліса і чатырохгадовая Валькірыя-Злата.
Каментары