Тэгеран пацвердзіў гібель Алі Ларыджані. З яго знішчэннем улада ў Іране можа перайсці ад фанатыкаў да прагматыкаў
Прызнанне гібелі Ларыджані адбылося прыкладна праз 12 гадзін пасля заявы пра гэта Ізраіля.
Улады Ірана афіцыйна пацвердзілі гібель сакратара Вышэйшай рады нацыянальнай бяспекі Ірана Алі Ларыджані. Пра гэта паведамляе агенцтва Fars.
Агенцтва Tasnim удакладняе, што разам з Ларыджані загінуў яго сын, Мартэза, і начальнік аховы.
Раніцай 17 сакавіка з'явілася інфармацыя, што Армія абароны Ізраіля нанесла авіяўдар па канспіратыўнай кватэры ў Іране, цэллю якога стаў сакратар Найвышэйшай рады нацыянальнай бяспекі Ірана Алі Ларыджані. Разам з ім, як паведамлялася, пры гэтай атацы загінуў камандуючы сіламі «Басідж» Галямрэза Сулеймані. Смерць Сулеймані ўжо таксама афіцыйна пацвердзілі.
Пасля знішчэння аяталы Хаменеі кіраўнік Рады бяспекі Ірана Ларыджані быў фактычна самым уплывовым чалавекам краіны.
Менавіта ён лічыцца рухавіком ядзернай праграмы Ірана, што мела даць у рукі аятолаў інструмент, з дапамогай якога яны маглі б сцерці Ізраіль з карты свету.
На Ларыджані ўскладаюць таксама адказнасць за бесчалавечны расстрэл дэманстрантаў гэтай зімой. Тады толькі па афіцыйных звестках загінула больш за 3000 чалавек, пераважна юнакоў і дзяўчат.
Ліквідацыя Ларыджані паказала, што кіраўніцтва Ірана па-ранейшаму не можа абараніць само сябе. Яна можа стаць імпульсам да пераходу ўлады ў краіне ў рукі менш фанатычных асоб.
Іранскія СМІ апублікавалі запіску ад Алі Ларыджані
Ізраіль заявіў пра забойства архітэктара ядзернай праграмы і адной з самых уплывовых фігур Ірана Алі Ларыджані
ЗША паабяцалі да $10 млн узнагароды за інфармацыю пра лідараў Ірана
Актыўны палітык з ідэямі ісламскай рэвалюцыі, больш радыкальны, чым бацька. Хто такі Маджтаба Хаменеі
КВІР пацвердзіў гібель кіраўніка ваенізаванага апалчэння «Басідж»
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары