Урад Злучаных Штатаў цікавіць інфармацыя пра новага вярхоўнага лідара Ірана Маджтабу Хаменеі і іншых чыноўнікаў.
ЗША прапануюць узнагароду да 10 мільёнаў даляраў за інфармацыю пра ключавых кіраўнікоў КВІР і яго падраздзяленняў, паведамляе Дзярждэп
Гэтае абвяшчэнне з’явілася на фоне працяглай ваеннай кампаніі ЗША і Ізраіля супраць Ірана і пасля забойства аяталы Алі Хаменем і іншых высокапастаўленых іранскіх чыноўнікаў.
«КВІР, які ўваходзіць у склад афіцыйных узброеных сіл Ірана, адыгрывае цэнтральную ролю ў выкарыстанні Іранам тэрарызму як асноўнага інструмента дзяржаўнай палітыкі», — гаворыцца ў паведамленні. Дзярждэпартамент падкрэслівае, што КВІР нясе адказнасць за шматлікія напады на амерыканцаў і аб’екты ЗША, у тым ліку тыя, што прывялі да гібелі грамадзян ЗША.
«З моманту свайго заснавання ў 1979 годзе КВІР адыгрывае значную ролю ў рэалізацыі знешняй палітыкі Ірана. Цяпер гэтая арганізацыя кантралюе значную частку іранскай эканомікі і мае вялікі ўплыў на ўнутраную палітыку краіны», — адзначае ведамства.
У прыватнасці, амерыканскі ўрад цікавіць інфармацыя пра новага вярхоўнага лідара Ірана Маджтабу Хаменеі а таксама пра намесніка кіраўніка яго штаба Алі Ашгара Хеджазі, ваеннага дарадцу, генерал-маёра Ях’ю Рахіма Сафаві, дарадцу Алі Ларыджані, міністра ўнутраных спраў Эскандэра Маменіi і міністра разведкі і бяспекі Эсмаіла Хаціба.
Акрамя таго, ЗША шукаюць інфармацыю пра чатырох неназваных службовых асоб КВІР, фатаграфіі якіх не былі дададзены.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары