Tramp razhladaje mahčymaść vykarystańnia dla harantyj Ukrainie amierykanskich PVK
Prezident ZŠA Donald Tramp prapanavaŭ u miežach mahčymych harantyj biaśpieki dla Ukrainy zadziejničać amierykanskija pryvatnyja vajskovyja kampanii, paviedamlaje vydańnie The Telegraph sa spasyłkaj na svaje krynicy. Ich rola mahła b być u dapamozie sa stvareńniem umacavańniaŭ, budaŭnictvam baz i abaronaj amierykanskaha biznesu va Ukrainie. Pry hetym prysutnaść uzbrojenych kantraktnikaŭ pavinna była b stać dadatkovym faktaram strymlivańnia dla Rasii.
Pavodle zadumy, takija kampanii byli b dadatkam da dziejańniaŭ jeŭrapiejskich partnioraŭ.
Hetu prapanovu nibyta abmiarkoŭvajuć siarod inšych mier, jakija razhladajuć dziaržavy «kaalicyi rašučych» na čale z Francyjaj i Vialikabrytanijaj. Vykarystańnie kantraktnikaŭ z PVK dazvoliła b Trampu, jaki ŭžo abiacaŭ nie adpraŭlać amierykanskich vajskoŭcaŭ va Ukrainu, zaspakoić strachi najbolš izalacyjanisckaha kryła trampistaŭ, kažuć surazmoŭcy The Telegraph.
Jeŭrapiejskija krainy, u tym liku Francyja i Vialikabrytanija, taksama abmiarkoŭvajuć inšyja varyjanty harantyj dla Ukrainy: pavietranaje patrulavańnie, navučańnie ŭkrainskich vajskoŭcaŭ, marskuju misiju ŭ Čornym mory. Asnoŭny akcent robicca na tym, što hałoŭnaj siłaj strymlivańnia pavinna zastavacca sama ŭzmocnienaja ŭkrainskaja armija.
Abmiarkoŭvajucca taksama zakupki dadatkovych amierykanskich sistem SPA (Patriot, NIMARS) za košt jeŭrapiejcaŭ. Niekatoryja krainy prapanujuć stvaryć demilitaryzavanuju zonu kala linii frontu, ale supolnaj pazicyi pa hetym pytańni niama, i Kijeŭ užo vykazaŭsia suprać.
Razhladajecca i mahčymaść raźmiaščeńnia niekalkich tysiač jeŭrapiejskich vajskoŭcaŭ u jakaści «treciaj linii abarony», ale ŭ mienšych maštabach, čym raniejšyja idei pra 30 tysiač. Taksama hučyć prapanova adkryć «biespalotnuju zonu» dla adnaŭleńnia cyvilnych rejsaŭ i arhanizavać patrulavańnie Čornaha mora pad kiraŭnictvam Turcyi.
Jarmak u ZŠA: Pasadzicie Rasiju za stoł pieramovaŭ — i Ukraina pieramoža
«Bačyć kanflikt praz pryzmu śpiecyjalista pa nieruchomaści». Pieramoŭny padychod Styva Uitkafa u mnohich vyklikaje nieprymańnie
ZŠA pradaduć Ukrainie 3350 dalnabojnych rakiet ERAM
Jeŭrapiejskija lidary abmiarkoŭvajuć stvareńnie 40-kiłamietrovaj bufiernaj zony na terytoryi Ukrainy
U Rasii adkinuli jeŭrapiejskija prapanovy adnosna harantyj Ukrainie
Tramp: Vajna Rasii i Ukrainy — asabisty kanflikt, a Pucin nie sustrakajecca ź Zialenskim, bo jaho nie lubić
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary