Viarchoŭny sud Rasii pryznaŭ ekstremisckaj arhanizacyjaj biełaruskich «Kibierpartyzan»
Taksama ekstremisckaj pryznana hrupa Silent Crow. Abiedźvie hrupy zajaŭlali pra svaju datyčnaść da maštabnaha zboju ŭ sistemach «Aerafłota», praź jaki avijapieravozčyk byŭ vymušany admianić dziasiatki rejsaŭ.
«Sud pastanaviŭ zadavolić zajavu hienieralnaha prakurora, pryznać chakierskija hrupoŭki ekstremisckimi i zabaranić ich dziejnaść u RF», — abviaściŭ rašeńnie sudździa Aleh Buhakoŭ, piša RBK.
Najbolš viadomaj sumiesnaj akcyjaj Silent Crow i «Kibierpartyzany» stała ataka na IT-infrastrukturu «Aerafłota» 28 lipienia 2025 hoda. Avijakampanija paviedamiła pra zboj infarmacyjnych sistem, jaki pryvioŭ da masavaj admieny i pieranosu rejsaŭ z Šaramiećcieva.
Chakiery śćviardžali, što kala hoda znachodzilisia ŭnutry karparatyŭnaj sietki pieravozčyka, atrymali dostup da kampjutaraŭ supracoŭnikaŭ i vialikich masivaŭ infarmacyi, skapijavali poŭnuju bazu danych historyi pieralotaŭ i ŭstalavali kantrol nad kampjutarami supracoŭnikaŭ.
Pavodle ich viersii, było skapijavana 22 TB infarmacyi i źniščana 7 tysiač siervieraŭ.
«Aerafłot» hetyja śćviardžeńni nie paćviardžaŭ, a paźniej Raskamnahlad zajaviŭ, što infarmacyja pra ŭciečku piersanalnych danych klijentaŭ abo supracoŭnikaŭ nie paćvierdziłasia.
Paśla ŭstupleńnia rašeńnia ŭ zakonnuju siłu dziejnaść abiedźviuch hrup budzie zabaroniena ŭ Rasii, a arhanizacyja ich pracy, udzieł u ich dziejnaści i finansavańnie mohuć paciahnuć adkaznaść pavodle artykułaŭ Kryminalnaha kodeksa ab ekstremisckaj dziejnaści.
«Kibierpartyzany» jašče ŭ listapadzie 2021 hoda ŭ Biełarusi byli pryznanyja terarystyčnaj arhanizacyjaj.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje26
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary