Biełaruś pačała pastaŭlać paliva ŭ Kyrhyzstan, jaki sutyknuŭsia z deficytam naftapraduktaŭ paśla taho, jak pad ukrainskija ataki trapili rasijskija NPZ. Razam ź Biełaruśsiu dapamohu krainie akazvaje i Kitaj.
Pa słovach ministra enierhietyki Kyrhyzstana Ałtynbieka Ryśbiekava, pieršyja partyi biełaruskich haruča-zmazačnych materyjałaŭ užo prybyli ŭ krainu, a jašče niekalki čyhunačnych vahonaŭ znachodziacca ŭ darozie. Jon paviedamiŭ, što pytańnie tranzitu praz terytoryju Rasii całkam urehulavana, a pastaŭki ažyćciaŭlajucca ŭ adpaviednaści z padpisanym pahadnieńniem.
Kitaj taksama ŭžo nakiravaŭ pieršuju partyju paliva. Jana dastaŭlajecca ŭ Kyrhyzstan aŭtamabilnym transpartam. Kab paskoryć jaje ŭvoz, urad krainy daručyŭ dziaržaŭnym orhanam arhanizavać dla takich hruzaŭ sproščany paradak prachodžańnia miažy.
Raniej Kyrhyzstan značnuju častku paliva atrymlivaŭ z Rasii. Adnak paśla parušeńniaŭ pastavak ułady krainy pačali šukać alternatyŭnych pastaŭščykoŭ. Akramia Biełarusi i Kitaja, razhladalisia taksama mahčymaści impartu z Kazachstana, Azierbajdžana, Uźbiekistana i Turkmienistana.
Dla stabilizacyi situacyi Kyrhyzstan uvioŭ časovuju zabaronu na vyvaz paliva za miežy krainy, a taksama spraściŭ praceduru jaho ŭvozu z-za miažy.
Urad Rasii zajaviŭ pra «častkovuju stabilizacyju» rynku paliva
Łukašenka zajaviŭ pra fakty kryšavańnia raskradalnikaŭ paliva z boku siłavikoŭ
Biełarusnafta: Deficytu paliva na AZS niama
20 litraŭ u bak i nijakich kanistraŭ? Ci sapraŭdy na biełaruskich zapraŭkach na miažy z Rasijaj uviali limity na bienzin
Toj samy masažyst raskazaŭ, navošta zdymaŭ hołych klijentak2
Kamientary