Łukašenka zajaviŭ pra fakty kryšavańnia raskradalnikaŭ paliva z boku siłavikoŭ
Alaksandr Łukašenka na sielektarnaj naradzie ŭkazaŭ na vyjaŭlenyja padčas uborki ŭradžaju złačynstvy, siarod jakich — kradziažy haruča-zmazačnych materyjałaŭ, piša BiełTA.
«Tolki pačali ŭborku, a MUS užo vyjaŭlena 46 złačynstvaŭ. Asnoŭnyja — heta kradziež kamplektujučych i zapasnych častak, chabarnictva. Na pieršym miescy — kradziež haruča-zmazačnych materyjałaŭ», — zajaviŭ jon.
Alaksandr Łukašenka adznačyŭ, što heta daŭniaja prablema.
«U mianie na stale vyniki śviežaha manitorynhu, jaki pakazaŭ, što miascovaja ŭłada da likvidacyi kradziažoŭ padychodzić abyjakava, absalutna farmalna. Tamu niadobrasumlennyja rabotniki kraduć paliva i całkam upeŭnienyja ŭ svajoj biespakaranaści», — padkreśliŭ jon.
«Asabliva aburaje, što niekatoryja supracoŭniki pravaachoŭnych orhanaŭ zamiest taho, kab zmahacca z hetymi niesunami, ustupajuć ź imi ŭ dolu i «kryšujuć», jak u lichija 90-ja. Mužyki, vy ž razumiejecie, što 90‑ch navat u hetaj drobnaj prablemie my nie dapuścim», — zajaviŭ jon.
Kamientary