«Bolš za hod Śviatłana ciažka chvareła, ale navat padčas chvaroby nie skardziłasia» — Katynski muziej adhuknuŭsia na śmierć Śviatłany Kurs
Staršynia Biełaruskaha PEN Taćciana Niadbaj pryviała ŭ svaim fejsbuku spačuvańni ad Katynskaha muzieja, u jakim pracavała Śviatłana Kurs.
«Moža zdavacca, što heta nievierahodna, ale biaźmiežna dobryja ludzi isnujuć. Heta ludzi, jakija nikoli nie narakajuć, nie havorać kiepskaha pra inšych, nie skardziacca na svoj ciažki los, zaŭsiody hatovyja dapamahčy, nie vychvalajucca svaimi pośpiechami i ščyra radujucca dasiahnieńniam inšych. Časam jany sustrakajucca na našym šlachu i robiać tak, što śviet zdajecca lepšym miescam.
Apošnija hady pobač z našym nievialikim kalektyvam była mienavita takaja asoba. Heta była Śviatłana Kurs — vybitnaja biełaruskaja piśmieńnica, žurnalistka, hramadskaja dziajačka, a dla nas — kaleha z-za susiedniaha stała.
Bolš za hod Śviatłana ciažka chvareła, ale navat padčas chvaroby nie skardziłasia. Jana vieryła — i my razam ź joj, — što vierniecca da svajoj pačataj, ale nie zavieršanaj pracy. Spuścicca ŭ ekspazicyju, raspaviadzie pra achviar Kurapataŭ. Śviatłana jak nichto inšy ŭmieła pracavać z archiŭnymi dakumientami — nie tolki dziakujučy daskanałamu vałodańniu polskaj, biełaruskaj i ruskaj movami dy hłybokamu razumieńniu histaryčnaha kantekstu, ale i tamu, što ź vialikaj empatyjaj umieła pračytać čałaviečyja emocyi.
Pra achviar Katynskaha złačynstva, jakich jana viedała pa dakumientach, jana raskazvała cudoŭnaj polskaj movaj z kresavym akcentam — takim, jakim havaryli mnohija achviary i ich rodnyja.
My smutkujem razam z rodnymi i siabrami Śviatłany, asabliva ź jaje synam Fieliksam.
Jana pajšła ad nas, pakinuŭšy vialikuju pusteču. Ale my vierym, što jaje duch jašče doŭha budzie pobač z nami», — napisaŭ muziej, jaki zajmajecca pamiaćciu achviar Katyni.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
«Vialikaja strata dla ŭsioj Biełarusi». Cichanoŭskaja adhuknułasia na śmierć Śviatłany Kurs
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu4
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary