Kreml adkinuŭ prapanovy Jeŭropy adnosna harantyj biaśpieki dla Ukrainy. Pavodle zajavy pres-sakratara prezidenta Rasii Dźmitryja Piaskova, Rasija stavicca da hetych prapanoŭ admoŭna i nie zhodnaja na prysutnaść vojskaŭ NATA na terytoryi Ukrainy.
Jeŭrapiejskija partniory Ukrainy pracujuć nad patencyjnymi harantyjami biaśpieki, jakija mahli b uklučać raźmiaščeńnie vojskaŭ, adnak Piaskoŭ padkreśliŭ, što raźmiaščeńnie jeŭrapiejskich vojskaŭ faktyčna aznačaje prysutnaść NATA, čaho Rasija zaŭsiody imknułasia paźbiehnuć.
«My havaryli pra heta na roznym uzroŭni. Nie isnuje jeŭrapiejskich vajskoŭcaŭ, isnujuć vajskoŭcy kankretnych krain i bolšaść hetych krain — členy NATA. Mienavita prasoŭvańnie vajskovaj infrastruktury NATA možna nazvać siarod pieršapryčyn toj kanfliktnaj situacyi, jakaja ŭźnikła», — zajaviŭ Piaskoŭ.
Piaskoŭ taksama adznačyŭ, što pieramovy pamiž Rasijaj i ZŠA na Alascy 15 žniŭnia byli źmiastoŭnymi i kanstruktyŭnymi, i vykazaŭ nadzieju na praciah mirnych i pasiarednickich namahańniaŭ z boku prezidenta ZŠA Donalda Trampa. Pavodle jaho słoŭ, amierykanski bok moža akazvać padtrymku Ukrainie ŭ vyhladzie pavietranaj i raźviedvalnaj dapamohi, ale nie ŭvodzić vojski.
Na dumku Piaskova, vyrašać los Ukrainy Rasija i ZŠA pavinny patajemna:
«Kazać pra niejkija detali ŭ adryvie ad ahulnaha kantekstu i ŭ publičnym režymie było b naŭrad ci karysna dla ahulnaha vyniku spravy».
Pieramoŭnyja hrupy Rasii i Ukrainy padtrymlivajuć kantakt, ale dakładnych terminaŭ novaha raŭnda pieramoŭ pakul niama. Piaskoŭ padkreśliŭ, što rasijski bok nibyta imkniecca da mirnaha palityčna-dypłamatyčnaha vyrašeńnia kanfliktu, adnak dla hetaha nieabchodnaja ŭzajemnaść z boku Ukrainy.
Sibiha: Kijeŭ hatovy da sustreč u lubych farmatach i hieahrafičnych rehijonach
Tramp: Vajna Rasii i Ukrainy — asabisty kanflikt, a Pucin nie sustrakajecca ź Zialenskim, bo jaho nie lubić
Vens zajaviŭ pra hatoŭnaść Pucina da «vialikich kampramisaŭ» pa Ukrainie
Łaŭroŭ: Rasija pryznaje Zialenskaha «kiraŭnikom režymu», ale pa Kanstytucyi jon nielehitymny
Vens prapanavaŭ zrabić z Ukrainy krainu-«dzikabraza»
ZŠA mohuć u jakaści harantyj biaśpieki zakryć nieba nad Ukrainaj
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
nado prosto łupiť ich, poka sami nie pripołzut uhovarivať poobŝaťsia s nimi.
raz v niedielu załpy po moskvie, usť-łuhie, novorośsijsku, očieriednomu npz i "družbie" bystro priviedut ich v čuvstvo.
nie nado stieśniaťsia.
druhoho puti nie suŝiestvujet.