Łaŭroŭ: Rasija pryznaje Zialenskaha «kiraŭnikom režymu», ale pa Kanstytucyi jon nielehitymny
U intervju amierykanskamu kanału NBC ministr zamiežnych spraŭ Rasii Siarhiej Łaŭroŭ zajaviŭ, što padčas sustrečy prezidentaŭ ZŠA i Rasii na Alascy mahčymaść asabistaj sustrečy Uładzimira Pucina i Uładzimira Zialenskaha nibyta nie abmiarkoŭvałasia. Uvohule ž Rasija pryznaje Zialenskaha de-fakta «kiraŭnikom režymu» i hatovaja ź im sustrecca ŭ hetaj jakaści, ale pavodle Kanstytucyi jon, maŭlaŭ, nielehitymny.
«Pucin vyrazna zajaviŭ, što my hatovyja praciahvać pramyja pieramovy z Ukrainaj, jakija pačalisia ŭ Stambule. Užo było try raŭndy. Jon skazaŭ, što sustreča na vyšejšym uzroŭni pavinna być vielmi dobra padrychtavanaja. Heta značyć praces padrychtoŭki pavinien być uzhodnieny. I tamu my prapanavali pavysić uzrovień delehacyj, jakija buduć sustrakacca ŭ Stambule», — zajaviŭ Łaŭroŭ.
Adnak ža, pa jaho słovach, «sustrakacca dla taho, kab u Zialenskaha była jašče adna mahčymaść pabyć u śviatle safitaŭ», Rasija ličyć «niemetazhodnym».
Što da harantyj biaśpieki dla Ukrainy, to Łaŭroŭ zajaviŭ, što ŭ hetaj spravie pavinien być kansensus, jaki ŭličvaje intaresy Rasii.
Łaŭroŭ zajaviŭ, što sustreča Pucina i Zialenskaha pakul nie hatovaja dla praviadzieńnia
Łaŭroŭ zapatrabavaŭ udziełu Rasii i Kitaja ŭ harantyjach biaśpieki Ukrainie
MZS Rasii prakamientavaŭ mahčymaść raźmiaščeńnia vojskoŭcaŭ krain NATA va Ukrainie
Siarhiej Łaŭroŭ prybyŭ na Alasku na pieramovy Trampa i Pucina ŭ kofcie z nadpisam SSSR
Kamientary
A tym časam niedzie ŭ Astrašyckim Haradku sumuje adzin łuka, bo jon i kiraŭnik režymu, i nielehietymny zhodna z Kanstytucyjaj.