Tramp: Vajna Rasii i Ukrainy — asabisty kanflikt, a Pucin nie sustrakajecca ź Zialenskim, bo jaho nie lubić
Adkazvajučy na pytańni žurnalistaŭ adčas pres-kanfierencyi 25 žniŭnia, prezident ZŠA Donald Tramp kranuŭsia pytańnia vajny va Ukrainie i vykazaŭ nadzieju, što jaje ŭdasca spynić, choć heta rabić i ciažka z-za kiepskich asabistych adnosin pamiž prezidentami Rasii i Ukrainy.
Prezident ZŠA Donald Tramp padčas pres-kanfierencyi zajaviŭ, što vajna va Ukrainie maje charaktar «asabistaha kanfliktu».
«Rasija i Ukraina — heta akazałasia niejkim vialikim asabistym kanfliktam, heta adna z takich rečaŭ. Ale my spynim heta ŭ rešcie rešt, my spynim heta taksama».
Adkazvajučy paźniej na pytańnie žurnalista, čamu Uładzimir Pucin nie choča sustrečy z Uładzimiram Zialenskim, Tramp skazaŭ, što pryčyna ŭ tym, što Pucinu prosta nie padabajecca Zialenski:
«Tamu što jon jaho nie lubić. Jon jaho nie lubić. Jamu jon nie padabajecca. U mianie jość ludzi, jakija mnie nie padabajucca. Mnie nie padabajecca sustrakacca ź imi. Dyk jak ža ich prymusić sustrecca? Jany nasamreč nie lubiać adzin adnaho».
Jon taksama adznačyŭ, što pakul nie abmiarkoŭvaŭ z Ukrainaj kankretnyja harantyi biaśpieki, ale ZŠA hatovyja akazvać padtrymku Kijevu. Pry hetym Tramp padkreśliŭ, što Złučanyja Štaty «bolš nie vydatkoŭvajuć hrošy na Ukrainu», a ŭsie pytańni zakupki ŭzbrajeńniaŭ iduć praz NATA.
Pra svaje pieramovy z Pucinym Tramp skazaŭ:
«Tak, ja razmaŭlaŭ ź im. Kožnaja razmova prachodzić dobra, ale potym, na žal, padaje bomba na Kijeŭ ci ŭ inšaje miesca — i heta mianie vielmi złuje».
Prezident ZŠA taksama raskazaŭ, što abmiarkoŭvaŭ z Pucinym abmiežavańni jadziernaj zbroi.
«Rakiety, jadziernaja zbroja — my havorym pra šmatlikija, roznyja rečy. My havorym pra abmiežavańnie jadziernaj zbroi, my pryciahniem da hetaha Kitaj. U nas jaje bolš za ŭsio, u Rasii — druhoje miesca, a ŭ Kitaja — treciaje, ale Kitaj značna adstaje, choć praź piać hadoŭ jon nas dahonić», — miarkuje Tramp.
Taksama jon adznačyŭ, što ŭ jaho «vielmi dobryja adnosiny z Kim Čen Ynam».
«Mnohija ludzi skažuć: o, heta žudasna. Nie, heta dobra. Sapraŭdy, kali-niebudź ja jaho ŭbaču. Ja ź nieciarplivaściu čakaju sustrečy ź im… Ja viedaju jaho lepš, čym chto-niebudź, akramia jaho siastry. Jaho siastra viedaje jaho dastatkova dobra», — skazaŭ prezident Tramp.
Vens zajaviŭ pra hatoŭnaść Pucina da «vialikich kampramisaŭ» pa Ukrainie
Tramp tak i nie ŭvioŭ sankcyi suprać Rasii i Pucina. Ci varta vieryć jaho novym pahrozam?
Tramp daŭ Pucinu jašče dva tydni i dapuściŭ, što zaprosić jaho na čempijanat śvietu pa futbole
Praviali pieratrus u byłoha daradcy Trampa pa nacyjanalnaj biaśpiecy
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
«Tamu što jon jaho nie lubić. Jon jaho nie lubić. Jamu jon nie padabajecca. U mianie jość ludzi, jakija mnie nie padabajucca. Mnie nie padabajecca sustrakacca ź imi. Dyk jak ža ich prymusić sustrecca? Jany nasamreč nie lubiać adzin adnaho».
Ach voś u čam prablema! A my nie razumali!
Kali pucinu nie padabaŭsia Zialenski, moža treba było pačakać paru hod pakul va Ŭkrainie vybieruć novaha prezidenta? Nie vytrymaŭ, pačaŭ vajnu.
Ci, kali pucinu tak niaŭtulna, moža treba sychodzić z pasady i nie pakutavać?
Oj, ab čym heta ja?!
Što pucin, što tramp - takija ranimyja. Ramonki - lubić-nia lubić, pakutniki.