22 žniŭnia FBR praviało pieratrus u domie Džona Bołtana, byłoha daradcy pa nacyjanalnaj biaśpiecy prezidenta ZŠA Donalda Trampa padčas jahonaha pieršaha terminu, a ciapier jahonaha krytyka. Aficyjna pryčyny pieratrusu pakul nie paviedamlalisia.
Pieratrus adbyvajecca ŭ pryharadzie Vašynhtona, pra heta paviedamiła hazieta The New York Times. Dyrektar FBR Keš Patel adznačyŭ, što ahienty «vykonvajuć zadańnie» i što «nikomu nie dazvolena być vyšej za zakon», ale nie paćvierdziŭ, što jaho zajavy niepasredna tyčacca Bołtana. U FBR taksama adznačyli, što dziejańni pravodziacca «z dazvołu suda».
Infarmacyja CNN śviedčyć, što pieratrus moža być źviazany z padazreńniem u niezakonnym abarocie infarmacyi, źviazanaj z nacyjanalnaj biaśpiekaj. U 2020 hodzie, praz hod paśla zvalnieńnia Bołtana Trampam, jon vydaŭ knihu, u jakoj krytyčna aceńvaŭ byłoha kiraŭnika. Administracyja Trampa patrabavała vydalić niekatoryja častki knihi, śćviardžajučy, što tam raskryvajucca kanfidencyjnyja danyja. Pačataje tady suprać Bołtana rasśledavańnie administracyjaj Džo Bajdena było spyniena.
Paśla viartańnia Trampa ŭ Bieły dom u 2025 hodzie jaho administracyja vystaviła šerah abvinavačvańniaŭ palityčnym apanientam i tym, chto nibyta niezakonna pieraśledvaŭ Trampa. Bołtan, jaki z 2019 hoda nie zajmaje pasad va ŭradzie, praciahvaje krytykavać Trampa, u tym liku za niedastatkovuju rašučaść u adnosinach da Rasii.
Sam Bołtan pakul pieratrus nie kamientavaŭ.
Łukašenka lściŭsia da Trampa, pachvaliŭ Paźniaka i admoviŭsia ad pieramoŭ z apazicyjaj
Tramp: Praz dva tydni stanie viadoma, ci budzie mir va Ukrainie
Były daradca prezidenta ZŠA: Tramp na pieramovach nie prajhraŭ, ale Pucin vidavočna pieramoh
Tramp: Kali b ja atrymaŭ Maskvu i Leninhrad u vyniku ŭhody z Rasijaj, ŚMI napisali b, što heta drennaja ździełka
Ciapier čytajuć
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ2
Kamientary