Tramp daŭ Pucinu jašče dva tydni i dapuściŭ, što zaprosić jaho na čempijanat śvietu pa futbole
Prezident ZŠA Donald Tramp zajaviŭ, što daje jašče dva tydni na pošuk rašeńnia dla spynieńnia vajny va Ukrainie. Kali ž hetaha nie adbudziecca, jon abiacaje pryniać «vielmi važnaje rašeńnie». Pavodle jaho słoŭ, varyjanty ŭklučajuć «masiŭnyja sankcyi, masiŭnyja taryfy, i toje i inšaje — abo ničoha. Tramp udakładniŭ, što acenić «vinu bakoŭ» i ich hatoŭnaść da pieramoŭ.
Jon adznačyŭ, što daručyŭ arhanizavać sustreču pamiž rasijskim i ŭkrainskim bakami, i praz dva tydni budzie viedać, jaki krok dalej zrabić.
Taksama Tramp nie vyklučyŭ mahčymaść zaprasić Uładzimira Pucina na čempijanat śvietu pa futbole ŭ ZŠA ŭ 2026 hodzie — u zaležnaści ad taho, jak buduć raźvivacca padziei va Ukrainie. Pry hetym jon pakazaŭ fatahrafiju sa svajoj sustrečy z Pucinym na Alascy 15 žniŭnia, nazvaŭšy jaje «vydatnym zdymkam». Adnačasova jon zajaviŭ, što jamu «nie padabajecca», što rasijskaja rakieta napiaredadni trapiła pa amierykanskim zavodzie va ŭkrainskim Zakarpaćci.
Raniej Tramp užo nieadnarazova nazyvaŭ kankretnyja terminy dla spynieńnia bajavych dziejańniaŭ. Spačatku (14 lipienia) jon kazaŭ pra 50 dzion, paźniej skaraciŭ hety pieryjad, vykazvajučy rasčaravańnie dziejańniami Pucina. 29 lipienia jon vystaviŭ novy ultymatum — 10 dzion i pahroza 100-pracentnych pošlin suprać Rasii i jaje handlovych partnioraŭ.
Niezadoŭha da zakančeńnia terminu śpiecpasłańnik Trampa Styŭ Uitkaf prybyŭ u Maskvu, paśla čaho Pucin zaprasiŭ asabistuju sustreču z Trampam. Jana adbyłasia 15 žniŭnia na Alascy. Paśla sustrečy abiacanyja miery nie byli ŭviedzienyja — u Vašynhtonie heta rastłumačyli nieabchodnaściu pakinuć prastoru dla dypłamatyi.
18 žniŭnia, na pieramovach z Uładzimiram Zialenskim i jeŭrapiejskimi lidarami, Tramp skazaŭ, što bačyć šaniec na damoŭlenaść «za tydzień-dva». 21 žniŭnia jon paćvierdziŭ, što ŭ najbližejšyja dva tydni stanie zrazumieła, ci mahčymy prahres, i papiaredziŭ: kali Pucin nie spynić vajnu, ZŠA «mahčyma, daviadziecca źmianić taktyku».
Tramp dasiahnuŭ miežaŭ svajho śvietu fantazij. Kudy jon adpravicca dalej?
Karabach biez armian: Tramp zakančvaje vojny, jakija zakančvajucca sami
«Ja vielmi zły z-za hetaha. Pieradaj Słavakii». Tramp adkazaŭ Orbanu na jahonuju skarhu na ŭkraincaŭ
«Niemahčyma vyjhrać vajnu, nie atakujučy zachopnika». Tramp abvinavaciŭ Bajdena ŭ tym, što jon zabaraniaŭ Ukrainie bić pa Rasii
Uitkaf pieradaŭ orden ad Pucina namieśnicy dyrektara CRU — jaje syn vajavaŭ za Rasiju i zahinuŭ
«Vy b addali Fłarydu, Džordžyju, Virdžyniju?» Prezident Finlandyi patłumačyŭ amierykancam, kolki terytoryi Pucin patrabuje ad Ukrainy
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary