Tramp spadziajecca zładzić sustreču Zialenskaha i Pucina «ŭžo na vychadnych»
Prezident ZŠA Donald Tramp zajaviŭ, što raźličvaje ŭ maksimalna ścisłyja terminy arhanizavać pieramovy ŭ farmacie ZŠA — Ukraina — Rasija paśla siońniašniaj sustrečy ŭ Vašynhtonie. Jak paviedamlaje «Jeŭrapiejskaja praŭda», pra heta jon skazaŭ na publičnym adkryćci sustrečy z udziełam prezidenta Ukrainy i jeŭrapiejskich lidaraŭ u Biełym domie.
Tramp skazaŭ, što harantyi biaśpieki dla Ukrainy buduć adnym z klučavych punktaŭ abmierkavańnia.
«My prahavorym, chto i što budzie rabić. Ja nastrojeny aptymistyčna, što razam my možam dasiahnuć damoŭlenaści, jakaja dazvolić strymać novuju ahresiju suprać Ukrainy… Dumaju, jeŭrapiejskija dziaržavy voźmuć na siabie šmat pracy, my im dapamožam», — skazaŭ prezident ZŠA.
Jon praciahnuŭ, što varta abmierkavać «mahčymy abmien terytoryjami» pamiž Ukrainaj i Rasijaj, bieručy pad uvahu biahučuju liniju frontu.
«My pasprabujem zładzić trochbakovuju sustreču (u farmacie ZŠA — Ukraina — Rasija), mahčyma, užo na vychadnych», — zajaviŭ Tramp.
«U mianie adčuvańnie, što vy (da Zialenskaha — Red.) i prezident Pucin zmožacie da niečaha damovicca. Viadoma, heta rašeńnie, jakoje moža prymać tolki prezident Zialenski i narod Ukrainy, uzajemadziejničajučy taksama ŭzhodniena z prezidentam Pucinym. I ja dumaju, što z hetaha moža atrymacca niešta vielmi dobraje», — skazaŭ Tramp.
Tramp i Zialenski zaviaršyli «vielmi dobruju» dvuchbakovuju sustreču
Tramp pachvaliŭ pinžak Zialenskaha i rassypaŭsia ŭ kamplimientach
Pierad sustrečaj z Trampam Zialenski prakansultavaŭsia ź jeŭrapiejskimi lidarami
Tramp nazvaŭ krytykaŭ durniami i pachvaliŭ siabie za dziejnaść u «bardaku Rasija/Ukraina»
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary