Lidar Nikarahua paśla 30 hadoŭ kiravańnia paabiacaŭ admianić vybary
Pavodle jaho słoŭ, admiena vybaraŭ pavinna pierakryć šlachi dla apazicyi. «Tut bolš nie budzie vybaraŭ, na jakich jany mahli b pasprabavać zachapić urad i ŭładu», — skazaŭ Daniel Arteha.
Daniel Arteha zajaviŭ, što ŭ krainie bolš nie buduć pravodzicca vybary, paviedamlaje Reuters.
Arteha zajmaŭ pasadu prezidenta z 1979 pa 1990 hod. U 2007 hodzie jon znoŭ byŭ abrany kiraŭnikom dziaržavy i z taho času nie pakidaŭ hetuju pasadu. Pavodle jaho słoŭ, admiena vybaraŭ pavinna pierakryć šlachi dla apazicyi.
«Tut bolš nie budzie vybaraŭ, na jakich jany mahli b pasprabavać zachapić urad i ŭładu. Časy, kali partyi, jakija padtrymlivalisia janki i samasistami, mahli viarnucca da ŭłady, minuli — i bolš nikoli nie paŭtoracca», — skazaŭ jon.
U minułym hodzie Arteha jašče bolš umacavaŭ svaju ŭładu praz šerah kanstytucyjnych reformaŭ. Siarod ich — pryznačeńnie svajoj žonki Rasarya Muryljo «suprezidentam» i pavieličeńnie terminu prezidenckich paŭnamoctvaŭ da šaści hadoŭ.
Takim čynam, Arteha razam z žonkaj kantralujuć amal usie śfiery dziaržaŭnaha kiravańnia, uklučajučy armiju i sudovuju sistemu.
Apošnija vybary ŭ krainie adbylisia ŭ 2021 hodzie. Tady pad nieabhruntavanymi padstavami pazbavili voli amal 40 apazicyjnych palitykaŭ, u tym liku siem patencyjnych kandydataŭ u prezidenty.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Čarhovy 3% ŭpar na ciele krainy i jaje narodu.