Na minułym tydni vajskoŭcy Litoŭskaj armii pastavili pieraškody dla ŭmacavańnia abarony miažy na darohach, što nie vykarystoŭvajucca, kala pamiežnych kantrolnych punktaŭ ź Biełaruśsiu i Kalininhradskaj vobłaściu Rasii. Heta častka zapłanavanych kontramabilnych mier, nakiravanych na Bałtyjskuju abarončuju liniju.
«Ustalavanyja pieraškody — heta tolki častka vialikaj intehravanaj karciny. My pačynajem z taktyčnaha ŭzroŭniu — kankretnych pieraškod na miažy, a potym uvieś inžynierny scenar my abjadnajem u adnu kanceptualnuju sistemu», — skazaŭ kamandzir Litoŭskaj armii hienierał Rajmundas Vajkšnorys.
Dla pieraškod byli vykarystany «drakonavyja zuby», jakija na nievykarystoŭvajemych pamiežnych kantrolnych punktach byli ŭstalavany na darohach, a na tych, što vykarystoŭvajucca, raźmieščany ŭ lohka dastupnych miescach pobač z darohami, kab pry nieabchodnaści ich možna było chutka vykarystać.
Staviačy pieraškody na darožnych kanstrukcyjach, nijakija źmieny nie byli ŭniesieny, tamu stan darohi nie źmienicca, niazručnaściaŭ dla žycharoŭ taksama nie budzie, bo fizičnyja pieraškody jość tolki na darohach, što nie vykarystoŭvajucca.
Jany ŭžo jość Šumsku, Łavaryškach, Rajhardasie, jakija zaraz zakrytyja,, a taksama na nievykarystoŭvanym punkcie Ramaniški z Rasijaj i ŭ niekatorych inšych miaścinach.
Raboty pa abmiežavańni prachodnaści nievykarystoŭvajemych daroh kala pamiežnych kantrolnych punktaŭ źjaŭlajucca płanavymi, heta častka budučaj Bałtyjskaj abarončaj linii — doŭhaterminovaha płana mier dla ŭsich Bałtyjskich krain i Polščy, jaki źnižaje pahrozu naziemnaha ŭvarvańnia i abmiažoŭvaje mahčymyja dziejańni varožych dziaržaŭ na sušy, zaznačajuć u Litoŭskaj armii.
Łatuška abviarhaje abvinavačańni ŭ charasmencie ad delehatki KR Karpušonak83
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary