Homielski hubiernatar pachvaliŭsia, što sioleta ŭ rehijonie stała bolš pieršakłaśnikaŭ. Ale letašnija ličby hetamu piarečać
Hazieta «SB. Biełaruś siehodnia» paviedamiła, što ŭ novym navučalnym hodzie ŭ Homielskaj vobłaści nibyta stała bolš pieršakłaśnikaŭ. U artykule sa spasyłkaj na staršyniu Homielskaha abłvykankama Ivana Krupko adznačałasia, što za party sioleta siaduć 14,8 tysiačy pieršakłaśnikaŭ, što, pavodle jaho słoŭ, na 430 bolš, čym u minułym hodzie. Ale hetaje śćviardžeńnie supiarečyć navat ličbam, jakija toj samy čynoŭnik nazyvaŭ letaś, zaŭvažyŭ «Fłahštok».
U žniŭni 2024 hoda Ivan Krupko publična zajaŭlaŭ, što ŭ vobłaści budzie kala 15,5 tysiačy pieršakłaśnikaŭ. Tamu realnaja dynamika jakraz inšaja: kolkaść dziaciej źmienšyłasia prykładna na 700 čałaviek, a nie pavialičyłasia na 430.
Pra toje, što dziaciej u škołach robicca mienš, śviedčyć i situacyja na miescach. U mnohich škołach Homiela, asabliva ŭ tych, što znachodziacca ŭ mikrarajonach ź nievysokaj zabudovaj, adznačajecca niedachop vučniaŭ. U vyniku niekatorych nastaŭnikaŭ pryjšłosia skaracić.
Niahledziačy na heta, kiraŭnik vobłaści padaŭ statystyku jak «pazityŭny sihnał», zajaviŭšy, što «pavieličeńnie kolkaści pieršakłaśnikaŭ» — heta prykmieta palapšeńnia demahrafičnaj situacyi i padstava dla stratehičnaha płanavańnia.
Ale navat aficyjnyja danyja śviedčać pra inšaje: za apošnija vosiem hadoŭ naradžalnaść u Homielskaj vobłaści ŭpała amal u dva razy.
Z-za nizkaj naradžalnaści ŭłady admaŭlajucca ad płanaŭ budaŭnictva novych škoł u niekatorych homielskich mikrarajonach. Naprykład, u mikrarajonie Šviedskaja Horka škoły ciapier niama, ale Krupko tłumačyć, što pobač praz dva—try prypynki jość ustanovy, jakija zapoŭnienyja tolki na 60—65 %. Novyja budynki ŭ takich umovach, pavodle jaho, byli b ekanamična nieapraŭdanymi, tamu robicca staŭka na madernizacyju i prybudovy da ŭžo najaŭnych škoł u tych rajonach, dzie sapraŭdy jość rost kolkaści dziaciej (naprykład, u Savieckim rajonie Homiela ci ŭ pasiołku Čonki niedaloka ad horada).
Aficyjnaja statystyka śviedčyć taksama, što ahulnaja kolkaść vučniaŭ u škołach vobłaści za hod skaraciłasia na 1,8 tysiačy — z 162,8 tysiačy da 161 tysiačy. Aproč hetaha, za apošni hod u rehijonie zakryli šeść škoł i adzin kaledž.
Kolki treba vykłaści baćkam, kab sabrać u škołu pieršakłaśnika
Sierhiejenka raptam zahavaryŭ pra toje, kolki dziaržava tracić na adnaho školnika
«Heta kałonija dla niepaŭnaletnich, a nie škoła!» Baćki školnikaŭ aburajucca zabaronaj na smart-hadzińniki
Nastaŭnikam u škołach zabaranili karystacca mabilnymi telefonami padčas urokaŭ
Dziciačy sadok u Tałačynskim rajonie zakryvać nie buduć. Baćki źviartalisia da Łukašenki, i jon ich vyrašyŭ pačuć
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary