Baćka adnaho z maładzionaŭ, asudžanych pa spravie «Čornych sałaŭjoŭ», zapisaŭ videazvarot da Łukašenki
U roliku, vykładzienym u TikTok, mužčyna, što nazyvaje siabie Dźmitryjem Alaksiejevičam Žyhalovym, nazyvaje spravu «Čornych sałaŭjoŭ» sfabrykavanaj, zaŭvažyŭ «Biełsat».
Śledčyja z proźviščami Markovič i Bublin, pa słovach mužčyny, užyvali ŭ dačynieńni da zatrymanych padletkaŭ katavańni — źbivali ich dy padnosili da hałavy zbroju. Praz takija mietady maładzionaŭ prymušali śviedčyć suprać inšych fihurantaŭ. Mužčyna prosić adpravić spravu na pierahlad, a śledčych, jakija pieravysili paŭnamoctvy, — pakarać.
Dźmitryj Žyhaloŭ, chutčej za ŭsio, źjaŭlajecca baćkam Siarhieja Žyhalova, jakomu pa zhadanaj spravie prysudzili 12 hadoŭ źniavoleńnia.
Uviesnu 2024 hoda prapahandysty paviedamili pra zatrymańnie siemiarych padletkaŭ niby za «supracoŭnictva z ukrainskimi śpiecsłužbami».
Padletki nibyta abjadnalisia ŭ «anarchisckuju jačejku «Čornyja sałaŭi» pad kiraŭnictvam Nacyjanalnaj vyzvalenčaj armii Ukrainy», kab ładzić dyviersii ŭ Biełarusi i Rasii.
Siarod zatrymanych — niepaŭnaletnija navučency kaledžaŭ i škoł roznych haradoŭ Biełarusi. Stvaralnicaj supołki ŭłady nazyvali 16‑hadovuju hramadzianku Ukrainy Maryju Misiuk.
Taksama siarod zatrymanych byli Trafim Barysaŭ, Siarhiej Žyhaloŭ, Dźmitryj Zacharoška, Anastasija Klimienka i Alaksandra Pulinovič. Usich padletkaŭ abvinavačvali ŭ «akcie teraryzmu» (art. 289 KK). Taksama ŭ filmie pakazali 18‑hadovaha Daniiłu Harasima, jakoha abvinavačvali pavodle troch kryminalnych artykułaŭ, siarod jakich «zdrada dziaržavie» (art. 356 KK).
Jak raskazała krynica pravaabarončaha centra «Viasna», paśla vychadu prapahandysckaha filma jaho pakazvali i ŭ inšych škołach z metaj zastrašyć vučniaŭ.
Alaksandry Pulinovič tady pryznačyli 10 hadoŭ i 3 miesiacy, Maryi Misiuk — 13 hadoŭ, Dźmitryju Zacharošku — 10 hadoŭ i 6 miesiacaŭ, Trafimu Barysavu, Siarhieju Žyhalovu — pa 12 hadoŭ źniavoleńnia. Daniiłu Harasimu pryznačyli 10 hadoŭ kałonii, a taksama štraf pamieram 600 bazavych vieličyniaŭ.
U listapadzie minułaha hoda Maryju Misiuk vyzvalili padčas čarhovaj chvali pamiłavańnia palitviaźniaŭ. Vykazvalisia mierkavańni, što padčas pamiłavańnia, prymierkavanaha da sioletniaha 8 Sakavika, na svabodzie mahła apynucca i Alaksandra Pulinovič, ale dokazaŭ hetamu nie źjaviłasia.
Siłaviki zatrymali siemiarych padletkaŭ, jakich vinavaciać u teraryźmie i zdradzie dziaržavie
Film pra nibyta viarboŭku padletkaŭ ukrainskimi śpiecsłužbami pakažuć va ŭsich navučalnych ustanovach Biełarusi
Pa spravie «čornych sałaŭjoŭ» padletkaŭ asudzili na termin ad 10 da 13 hadoŭ
Vyzvalenaja 18‑hadovaja palitźniavolenaja Maryja Misiuk
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary