Urad značna skaraciŭ pieralik tavaraŭ, na jakija rehulujucca ceny
Urad Biełarusi ŭnios źmianieńni ŭ sistemu dziaržaŭnaha rehulavańnia cen, jakaja dziejničaje z kanca 2022 hoda. Adpaviednuju pastanovu 10 lipienia padpisaŭ premjer-ministr Biełarusi Alaksandr Turčyn.
Adnym z hałoŭnych novaŭviadzieńniaŭ stała značnaje skaračeńnie pieraliku tavaraŭ, na jakija raspaŭsiudžvajecca dziaržaŭnaje rehulavańnie cen. Kali raniej u im było 199 pazicyj, to ciapier zastałosia 76. Pieravažna z-pad rehulavańnia vyviedzienyja tavary, jakija nie adnosiacca da tavaraŭ štodzionnaha popytu.
Urad tłumačyć heta tym, što na ŭnutranym rynku nazirajecca adnosna stabilnaja cenavaja situacyja. Na dumku ŭładaŭ, heta dazvalaje biełaruskim vytvorcam i pradaŭcam bolš hnutka farmavać ceny i palapšać svajo finansavaje stanovišča. Razam z tym adznačajecca, što ŭ vypadku nieabhruntavanaha rostu cen rehulavańnie na vyklučanyja tavary moža być adnoŭlena.
Z-pad dziaržaŭnaha rehulavańnia vyklučanyja małako, kiefir i śmiatana ŭ šklanoj tary, sumiesi čaju, karamiel na pałačcy, žujka, a taksama ekzatyčnyja cytrusavyja płady.
Akramia hetaha, źmianilisia maksimalnyja handlovyja nadbaŭki na asobnyja impartnyja i ajčynnyja tavary, u tym liku na małako, kiefir, śmiatanu, čorny i zialony čaj.
Urad miarkuje, što heta nie budzie mieć istotnaha ŭpłyvu na rynak, pakolki asnoŭnuju dolu prodažaŭ zajmaje biełaruskaja pradukcyja.
Taksama ŭvodzicca dziaržaŭnaje rehulavańnie cen na asobnyja chlebabułačnyja vyraby, a taksama miasnuju i rybnuju pradukcyju, jakaja vyrablajecca niepasredna ŭ abjektach hramadskaha charčavańnia, što naležać handlovym arhanizacyjam, i pradajecca ŭ ich roźničnych kramach. Dla takich tavaraŭ ustanaŭlivajecca abmiežavańnie handlovaj nadbaŭki — nie bolš za 10 pracentaŭ.
Siarod inšych źmianieńniaŭ — abmiežavańnie pieryjadu, na praciahu jakoha vytvorcy mohuć samastojna padvyšać adpusknyja ceny. Ciapier takoje padvyšeńnie budzie abmiežavana adnym kalandarnym hodam, kab nie dapuścić nazapašvańnia niekalkich hadoŭ niavykarystanaha rostu cen.
Akramia taho, handlovym arhanizacyjam dazvolena ŭklučać u vydatki na fasoŭku pradukcyi vydatki na abaviazkovuju siertyfikacyju rasfasavanych tavaraŭ.
Asnoŭnyja źmieny nabuduć moc paśla aficyjnaha apublikavańnia pastanovy. Normy, jakija tyčacca cenaŭtvareńnia na pradukcyju ŭłasnaj vytvorčaści abjektaŭ hramadskaha charčavańnia, pačnuć dziejničać praź dziesiać dzion paśla jaje aficyjnaha apublikavańnia.
Ceny na małočnaje ŭ śviecie źnižajucca
Na Mahiloŭščynie likvidujuć ahrachołdynh, u jakim Łukašenka niekali svaryŭsia za «abasranych karoŭ»
Aściarožna: u viehanskich praduktach udvaja bolš charčovych dabavak, čym u miasnych anałahach
«Staličnyja» abyšli «Alonku»: biełarusy vybrali samyja lubimyja cukierki
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny14
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary
Propahanda iz každoho jutiuha kričit,čto tam (v ES)vsie doroho,a naša ciel prodovať našu produkciju podorožie. Značit nužna jevrointiehracija.
P.s
Naprimier nam nužna privatizacija,potomu,čto na častnika možno požałovaťsia hosudarstvu,a na hosudarstviennom priedprijatii ty,čto budieš hosudarstvu žałovaťsia?
P.p.s
Čto by biełorusy pieriechodili na biełorusskij,nado popularizirovať istoriju. Kak praviło snačała čiełoviek uvlekajeťsia istorijej Biełarusi,a potom pieriechodit na biełorusskij,posmotritie na istfakie BHU vsie śviadomyje i niebłahonadiežnyje hraždanie,a jeśli eto sdiełať massovym javlenijem v maštabach strany?