Marata Markava pierasunuli z pasady ministra infarmacyi ŭ ministry kultury
Ministram infarmacyi na jaho miesca pryznačany hałoŭny redaktar SB Dźmitryj Žuk.
Marat Markaŭ zajmaŭ pasadu ministra infarmacyi z 2024 hoda.
Akcior Rusłan Čarniecki pratrymaŭsia na pasadzie ministra kultury zusim troški, hod i čatyry miesiacy.
Pryznačajučy Markava, Alaksandr Łukašenka skazaŭ, što toj sam paprasiŭsia ŭ kresła ministra kultury, a «ŭ ministraŭ papiarednich nie atrymlivałasia efiektyŭna pracavać».
Marat Markaŭ naradziŭsia ŭ 1969 hodzie ŭ Łunincy. Skončyŭ Minskaje vyšejšaje inžyniernaje zienitna-rakietnaje vučylišča SPA, prasłužyŭ u biełaruskim vojsku 13 hadoŭ, dzie dasłužyŭsia da namieśnika kamandzira ŭzvodu. Pa skančeńni jurydyčnaha fakulteta BDU niekalki hadoŭ pracavaŭ aŭdytaram. Paźniej uładkavaŭsia ŭ Biełaruskaje telehrafnaje ahienctva. Adtul pierajšoŭ u Administracyju prezidenta, dzie dajšoŭ da pasady 1‑ha namieśnika načalnika hałoŭnaha ideałahičnaha ŭpraŭleńnia. U śniežni 2011 hoda byŭ pryznačany namieśnikam staršyni Biełteleradyjokampanii. U sakaviku 2017 hoda staŭ staršynioj praŭleńnia ANT, z červienia 2024 — ministr infarmacyi.
Na jaho miesca pryznačany Dźmitryj Žuk, jaki z 2018 hoda byŭ redaktaram «SB. Biełaruś siehodnia». Jon syn biełaruskamoŭnaha piśmieńnika Alesia Žuka i maje adukacyju nastaŭnika biełaruskaj movy, ale nijakaha pijetetu da biełaruskaj movy nie maje.
Aproč taho, Alaksandr Cierachaŭ pryznačany vice-premjeram pa pytańniach budaŭnictva, transpartu i žyllova-kamunalnaj haspadarki.
Andrej Mochar staŭ hienieralnym dyrektaram BiełTA (da hetaha jon byŭ dyrektaram dyrekcyi infarmacyjnaha viaščańnia telekanała ANT), a Andrej Dzikun uznačaliŭ «Atłant».
Narešcie, Michaiła Ordu adpravili pasłom u Manholiju.
Kamientary