«Kali brać bolš pravilny padychod». U Biełarusi chočuć zapuścić svajho kasmanaŭta nie tolki dla turyzmu
Biełaruś razhladaje mahčymaść nakiravać svajho kasmanaŭta nie prosta ŭ karotki palot, a ŭ paŭnavartasnuju praciahłuju misiju ŭ kosmasie. Pra heta zajaviŭ namieśnik načalnika ŭpraŭleńnia aerakaśmičnaj dziejnaści Nacyjanalnaj akademii navuk Ivan Buča padčas kaśmičnaha forumu ŭ Maskvie, jaki byŭ prymierkavany da hadaviny palotu Juryja Haharyna.
Ivan Buča adznačyŭ, što ŭ budučyni kraina choča ŭdzielničać u piłatavanaj kasmanaŭtycy na bolš vysokim uzroŭni. Kali raniej havorka išła pra karotkaterminovyja paloty, to ciapier ličycca, što heta ŭžo niedastatkova. Bolš pierśpiektyŭnym vyhladaje šlach padrychtoŭki prafiesijnaha kasmanaŭta, jaki zmoža prajści doŭhuju i składanuju padrychtoŭku i ŭdzielničać u praciahłych misijach razam ź mižnarodnymi ekipažami.
«My hatovyja i dumajem nad hetym, jakim čynam praciahnuć supracoŭnictva ŭ halinie piłatavanaj kasmanaŭtyki.
Ale karotki palot, miarkujem, užo budzie, chutčej za ŭsio, nie zusim darečny. A kali brać bolš pravilny padychod, to heta prafiesijny kasmanaŭt, heta praciahłyja terminy padrychtoŭki, heta ŭdzieł užo zusim inšym čynam u piłatavanych prahramach.
Ale heta pierśpiektyva, u jakuju my vierym i budziem prykładać namahańni, kab heta adbyłosia», — zajaviŭ jon.
Tym samym Ivan Buča faktyčna pryznaŭ, što palot Maryny Vasileŭskaj u 2024 hodzie, za jakuju jana atrymała navat zvańnie Hieroja Biełarusi, nie moža ličycca palotam prafiesijnaha kasmanaŭta, i padychod, jaki prymianiaŭsia pry jaje palocie nie vielmi pravilny.
«Dajcie mnie pyłasos». Vasileŭskaja ŭspomniła, jak rabiła ŭborku na MKS. I raskazała pra sumiesnuju tradycyju z Navickim
Kaśmičnaja turystka Maryna Vasileŭskaja vyjšła zamuž za kasmanaŭta Navickaha? Jany nosiać piarścionki
Vasileŭskaja raskazała, ci palacić u kosmas druhi raz
Kaśmičnuju turystku Marynu Vasileŭskuju nazvali vydatnaj minčankaj
Kamientary