Pieršaja biełaruskaja kaśmičnaja turystka Maryna Vasileŭskaja 10 krasavika dała pres-kanfierencyju, na jakoj siarod inšaha adkazała na pytańnie vydańnia Telegraf.news, ci nie źbirajecca jana svoj palot u kosmas paŭtaryć.
«Kali Radzima skaža palacieć, palacim. Dziakuj bohu, u mianie dla hetaha ŭsio jość — i zdaroŭje, i vopyt. Uładzimir Pucin zaprasiŭ mianie ŭ atrad kasmanaŭtaŭ na pracu. Ale ja pajšła za našym prezidentam i zastałasia ŭ Biełarusi, bo ŭ nas jość nad čym pracavać. Kali budzie vychad u adkryty kosmas i kamandziram budzie Aleh Navicki, to palaču», — skazała Maryna Vasileŭskaja.
Što da śfiery, u jakoj «jość nad čym pracavać», to Vasileŭskuju ciapier pryznačyli na pasadu namieśnicy staršyni Biełaruskaha fondu miru pa humanitarnym supracoŭnictvie i hramadskaj dziejnaści. I pracavać na joj žančynie kamfortna:
«Nasamreč mnie vielmi padabajecca maja praca, maja kamanda i toje, čym my zajmajemsia. Dabračynnaj i miratvorčaj pracaj, mižnarodnymi prajektami, źviazanymi z metaj miru, družby i ščaścia».
Prysutny na pres-kanfierencyi načalnik upraŭleńnia aerakaśmičnaj dziejnaści NAN Biełarusi, akademik NANB Piatro Viciaź taksama adkazaŭ na pytańnie, ci jość u Biełarusi jašče płany pa pašyreńni kolkaści ludziej, jakija źlotali ŭ kosmas. Ad jahonaha viedamstva, pa słovach akademika, tut mała što zaležyć:
«My, jak Akademija navuk, zaŭsiody hatovyja vykonvać daručeńni. Kali jany buduć, to my znoŭ palacim. Ale heta i pytańnie ekanomiki. Kali mahčymaść budzie i budzie pryniata rašeńnie».
Vasileŭskaja pachvaliłasia, što ŭ «Biełavii» źjaŭlajucca novyja rejsy, bo ź joj na arbicie byŭ płastykavy samalocik
Stała viadoma novaje miesca pracy kaśmičnaj turystki Maryny Vasileŭskaj
Prapahanda kazała, što Polšča zajzdrościć Biełarusi, bo ŭ jaje niama kasmanaŭta. Chutka budzie, i heta sapraŭdny navukoviec
Vasileŭskaja raskazała, jak dziakujučy joj moładź adryvajecca ad telefonaŭ i pačynaje vučycca
Pieršaja biełaruskaja kaśmičnaja turystka Maryna Vasileŭskaja pradaje svoj ajfon
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary