Vasileŭskaja raskazała, jak dziakujučy joj moładź adryvajecca ad telefonaŭ i pačynaje vučycca
Pieršaja biełaruskaja kaśmičnaja turystka znajšła svajo paklikańnie — i zaraz raskazvaje pra toje, jak jaje palot matyvuje moładź bracca za hałavu.
Maryna Vasileŭskaja zajaviła, što znajšła svajo pryznačeńnie — heta słužyć ludziam. U efiry STB jana raskazała historyju pra toje, jak nibyta matyvavała nieviadomaha maładoha čałavieka vučycca.
«Mnie iduć vodhuki ad ludziej. Naprykład, adzin małady čałaviek nie chacieŭ vučacca, pastajanna siadzieŭ u telefonie, chadziŭ pa vulicach niezrazumieła dzie. A voś moj palot jaho padšturchnuŭ na toje, što jon chacieŭ palacieć u kosmas. Jon pačaŭ zajmacca sportam, pajšoŭ u vučobu. Biez udziełu baćkoŭ. Da mianie padychodzić jahonaja mama, sa ślazami na vačach raskazvaje hetuju infarmacyju. Ja joj kažu, što heta kruta. Bo, kali navat nie stanie kasmanaŭtam, jon usio roŭna na pravilnym šlachu. Jon siabie znojdzie, stanie dobrym čałaviekam», — raskazała Vasileŭskaja.
Jana dadała, što hety chłopiec ciapier budzie karysny dla krainy i budzie siabie prajaŭlać u niejkaj śfiery, u jakoj siabie znojdzie.
Ściuardesa «Biełavii» Maryna Vasilevskaja paśla palotu ŭ kosmas, jaki mieŭ usie prykmiety turystyčnaha, atrymała zvańnie Hieroja Biełarusi. Ciapier jana jeździć pa krainie, raskazvaje moładzi i rabotnikam dziaržpradpryjemstvaŭ pra krochkaść ziamli i chvalić Łukašenku, jakoha nazyvaje samym mocnym u śviecie lidaram.
Pieršaja biełaruskaja kaśmičnaja turystka Maryna Vasileŭskaja pradaje svoj ajfon
Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki
Hierainia Biełarusi ci zvyčajnaja kaśmičnaja turystka? Niuansy palotu ŭ kosmas Maryny Vasileŭskaj
Ułady ŭsio ž vyrašyli dać Marynie Vasileŭskaj dypłom dziaržaŭnaha ŭniviersiteta
Botaŭ adpravili adbielvać Vasileŭskuju, stała viadomaja mietadyčka
Kamientary
Śletať za čužoj sčiot, ničieho iz siebia nie priedstavlaja kak kosmonavt, i potom tykaťsia vo vsie dvieri... Čio za bried