Pieršaja biełaruskaja kaśmičnaja turystka Maryna Vasileŭskaja pradaje svoj ajfon
Na adnoj sa staronak Maryny Vasileŭskaj u instahramie źjaviłasia paviedamleńnie pra toje, što jana pradaje svoj 14-ty ajfon — z paznakaj «kaśmičny». Kolki ž pieršaja kaśmičnaja turystka ź Biełarusi choča atrymać za svoj hadžet?
U Maryny Vasileŭskaj isnuje dźvie staronki ŭ instahramie. Pieršaja źjaviłasia jašče ŭ 2016 hodzie. Pierad palotam biełaruski ŭ kosmas jaje zrabili zakrytaj. Chutčej za ŭsio, užo tady staronku dobra pačyścili. Adtul papiarednie vydalili kala 900 padpisak Maryny (naprykład, z padpisak źnikli błohiery, jakija raspaviadajuć pra pierajezd u ZŠA). Taksama źnikli jaje dopisy. Naŭrad ci tam było niešta kramolnaje. Ale heta ŭ čarhovy raz śviedčyć, jak prapahanda saromiejecca taho, što ŭ hieraini Biełarusi było zvyčajnaje žyćcio.
Druhuju — aficyjnuju — staronku ŭ instahramie stvaryli amal praz 5 miesiacaŭ paśla palotu ŭ kosmas. Tam Maryna Vasileŭskaja ščodra dzielicca zdymkami z aficyjnych mierapryjemstvaŭ, u jakich prymaje ŭdzieł.
Abjava pra prodaž staroha iPhone 14pro 128 źjaviłasia na pieršaj staroncy. Za svoj hadžet Vasileŭskaja choča atrymać 2500 rubloŭ. Udakładniaje, što karystałasia im prykładna hod i telefon byŭ razam ź joj uvieś pieryjad padrychtoŭki da palotu ŭ kosmas.
Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki
Hierainia Biełarusi ci zvyčajnaja kaśmičnaja turystka? Niuansy palotu ŭ kosmas Maryny Vasileŭskaj
Ułady ŭsio ž vyrašyli dać Marynie Vasileŭskaj dypłom dziaržaŭnaha ŭniviersiteta
Botaŭ adpravili adbielvać Vasileŭskuju, stała viadomaja mietadyčka
Kamientary