Novy ministr infarmacyi adkazaŭ, ci buduć u Biełarusi błakavać YouTube
Siońnia stała viadoma imia novaha kiraŭnika ministerstva infarmacyi. Paśla pryznačeńnia Dźmitryja Žuka spytali, ci buduć błakavać YouTube u Biełarusi.
«Luboje rašeńnie, asabliva takoha płana, jak zabarona, pavinna być dakładna pradumanym. Pavinny być pradumanyja jaho nastupstvy. Jano pavinna być metazhodnym i efiektyŭnym. Kali my dekłarujem, ale nie možam realizavać, to lepš naohuł nie dekłaravać, — ličyć Dźmitryj Žuk. — Što tyčycca płatformaŭ, jakija vykarystoŭvajucca hramadzianami Biełarusi, dziejničać treba vielmi akuratna».
Pavodle jaho słoŭ, Łukašenka — «nie prychilnik zabaron».
«Treba šukać inšyja miechanizmy ŭzajemaadnosin z hetymi bujnymi hulcami suśvietnaj miedyjaprastory», — miarkuje novy ministr.
Paśla błakavańnia na YouTube kanałaŭ Biełta, STB i ANT prapahandysty stali zaklikać da błakavańnia videachostynhu ŭ krainie.
Žuk nazvaŭ heta infarmacyjnaj vajnoj biez pravił.
«Jana [infarmacyjnaja vajna] idzie vielmi žorstka, biez pravił. Niadaŭni prykład — vydaleńnie z YouTube troch kanałaŭ našych viadučych ŚMI. I adna z zadač — nie dapuścić, kab infarmacyjnaja vajna stała haračaj. Niachaj jana zastajecca ŭ infarmacyjnaj śfiery. Zmahacca pryjdziecca na čužoj terytoryi — na tym ža YouTube, u Instagram», — skazaŭ Dźmitryj Žuk.
Žurnalistaŭ novy ministr nazvaŭ sałdatami hetaj infarmacyjnaj vajny.
«Śfiera prymianieńnia ich namahańniaŭ — heta pytańnie technałohij, i my nie viedajem, što nam padkinuć zaŭtra. Ale my pavinny vyrazna razumieć, što heta ideałahična vyvieranyja, piśmiennyja ludzi, jakija zdolnyja i technałahična asvojvać lubyja farmaty pracy. Heta samaje važnaje, što treba budzie zrabić u infarmacyjnaj śfiery», — padkreśliŭ jon.
Inšaj niemałavažnaj zadačaj Dźmitryj Žuk nazvaŭ abaronu biełaruskaha rynku ad infarmacyjnaha ŭvarvańnia niehatyŭnych trendaŭ, jakija «suprać pryrodnaj marali biełarusaŭ».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary