«Rašyzm» u zakonie vyznačany jak «novaja raznavidnaść tatalitarnaj ideałohii i praktyk, što lažać u asnovie režymu, sfarmiravanaha ŭ dziaržavie-ahresary (Rasii), i hruntujucca na tradycyjach rasijskaha šavinizmu i impieryjalizmu, praktykach kamunistyčnaha režymu SSSR i nacyjanał-sacyjalizmu (nacyzmu)».
Prezident Ukrainy Uładzimir Zialenski padpisaŭ zakon «Ab asnovach dziaržaŭnaj palityki nacyjanalnaj pamiaci ŭkrainskaha naroda»: u im na aficyjnym uzroŭni zamacavana paniaćcie «rašyzm», paviedamili ŭ Viarchoŭnaj Radzie Ukrainy, paviedamlaje Rasijskaja słužba Radyjo Svaboda.
«Rašyzm» u zakonie vyznačany jak «novaja raznavidnaść tatalitarnaj ideałohii i praktyk, što lažać u asnovie režymu, sfarmiravanaha ŭ dziaržavie-ahresary (Rasii), i hruntujucca na tradycyjach rasijskaha šavinizmu i impieryjalizmu, praktykach kamunistyčnaha režymu SSSR i nacyjanał-sacyjalizmu (nacyzmu)».
U zakonie zamacavanaja abarona pamiaci ŭkrainskaj movy i kulturnaj spadčyny jak składnikaŭ nacyjanalnaj biaśpieki Ukrainy.
«Pry ŭzbrojenaj ahresii suprać Ukrainy, što pačałasia ŭ lutym 2014 hoda, dziaržava-ahresar manipuluje interpretacyjami histaryčnych padziej. Adna z składnikaŭ uzbrojenaj ahresii Rasijskaj Fiederacyi — imknieńnie pazbavić ukraincaŭ ich histaryčnaj pamiaci», — taksama skazana ŭ dakumiencie.
Zakon taksama daje vyznačeńni takich paniaćciaŭ, jak «vajna za niezaležnaść Ukrainy», «nacyjanalnaja pamiać», «histaryčnaja antyŭkrainskaja prapahanda», «złačynstvy suprać ukrainskaha naroda» i dekłaruje ŭsiebakovuju padtrymku dziaržavy ŭ ažyćciaŭleńni navukovych daśledavańniaŭ pa historyi Ukrainy i papularyzacyi historyi krainy.
Termin «rašyzm» pačaŭ vykarystoŭvacca paśla ŭvarvańnia rasijskich vojskaŭ u Hruziju ŭ žniŭni 2008 hoda. Paźniej va Ukrainie jon byŭ vyznačany jak «ideałohija i praktyka kirujučaha režymu Rasijskaj Fiederacyi» i staŭ vykarystoŭvacca paśla anieksii Rasijaj Krymu ŭ 2014 hodzie. Šyrokaje raspaŭsiudžańnie jon atrymaŭ z pačatkam paŭnamaštabnaj vajny ŭ lutym 2022 hoda.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary
ono vsie žie bližie i umiestnieje, čiem "nacizm".
ja dla siebia pozicioniruju "rašizm" kak raznovidnosť fašizma na idieołohii rośsijskoho impierskoho šovinizma.
tak v biełarusskom zakonodatielstvie jeho i nado opisyvať.
Čakajem kamientar ad "akademičnaj" supolnaści: što heta ŭsie "navajaz" (što, viadoma, samo pa sabie ŭžo niesurjozna), jaki nie adpaviadaje "kłasičnamu" ahulnapryniatamu značeńniu - a tamu nie stasujecca z rečaisnaściu i nie pieradaje sens padziej. Dy ŭvohule - "tannaja prapahanda" dy "emacyjnaja afarboŭka", dyletancki i niehłyboki padychod abmiežavanych ludziej.