U Madrydzie ispanskija chulihany-kamunisty napali na biełaruskich fanataŭ «Niomana»
Napadniki kazali, što padtrymlivajuć Łukašenku. I adabrali ŭ biełarusaŭ bieła-čyrvona-bieły ściah, piša Most.
U Madrydzie ispanskija chulihany napali na biełaruskich fanataŭ hrodzienskaha «Niomana». Heta zdaryłasia viečaram 28 žniŭnia paśla matča płej-of kvalifikacyi Lihi kanfierencyj, u jakim «Nioman» prajhraŭ «Raja Valjekana» (0:4).
Pavodle słoŭ vidavočcaŭ, jašče da pačatku hulni ŭ častki miascovych radykalnych fanataŭ uźnikali pytańni da haściej ź Biełarusi. Zaŭziatary «Raja» viadomyja svaimi levymi, u tym liku kamunistyčnymi, pohladami i varoža staviacca da tych, chto hetych pohladaŭ nie padzialaje.
Na stadyjonie ŭ hrodziencaŭ prablem z vyviešvańniem ściahoŭ nie było. Adnak užo paśla finalnaha śvistka kala 20 ahresiŭna nastrojenych ispancaŭ napali na piaciarych biełarusaŭ kala stancyi mietro.
«Nas było ŭsiaho piać čałaviek. Atrymali ad kamunistaŭ, ale, dziakuj Bohu, što zastalisia žyvyja. Mahli i nažom udaryć. Takoje byvaje ŭ Ispanii. Z rečaŭ jany paśpieli vyrvać adzin bieł-čyrvona-bieły ściah z hierbam Hrodna i ŭciakli», — raspavioŭ adzin z fanataŭ.
Pavodle jaho słoŭ, napadalniki nie chavali svajoj simpatyi da režymu Łukašenki i adkryta zajaŭlali pra padtrymku kamunizmu.
-
Stała viadoma, jakoj krainie pieradavaŭ infarmacyju były kiraŭnik niamieckaj raźviedki
-
Uzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, pierasiekli miažu i skrali kamiery
-
Viadučy trejdar papiaredziŭ pra ryzyku rostu cen na naftu da $200 za baral praź niedachop reziervaŭ i tankieraŭ
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha1
Kamientary
[Zredahavana]