U Kienii ŭźnik šyroki skandał paśla taho, jak ispanski turyst vykłaŭ u instahram videa, na jakim jon zalivaje piva słanu prosta ŭ chobat. Videa było źniata ŭ pryrodnym zapaviedniku Ol Jogi Conservancy u centralnaj akruzie Łajkipija. Na kadrach mužčyna spačatku pje ź blašanki piva Tusker sam, a potym daje reštu słanu, piša Bi-bi-si.
Publikacyja vyklikała škvał abureńnia ŭ sacsietkach, paśla čaho turyst vydaliŭ videa. Pra incydent daviedałasia słužba achovy dzikaj pryrody Kienii, paśla čaho pradstaŭnik zapaviednika paviedamiŭ, što videa pieradaduć «adpaviednym orhanam». Ministerstva turyzmu i achovy dzikaj pryrody taksama pačało rasśledavańnie.
Słon, jakomu dali piva, — vialiki samiec z doŭhimi ikłapadobnymi biŭniami, adzin ź jakich paškodžany, što dazvalaje jaho identyfikavać. Heta Bupa, jaki byŭ vyratavany padčas masavaha adstrełu słanoŭ u Zimbabve ŭ 1989 hodzie i dastaŭleny ŭ zapaviednik u vosiem hadoŭ. Ol Jogi źjaŭlajecca domam dla prykładna 500 słanoŭ, tut zajmajucca reabilitacyjaj asiraciełych žyvioł i viartańniem ich u dzikuju pryrodu.
Turyst, viadomy pad nikam Skydive_Kenya, raniej vykłaŭ videa, jak jon karmić morkvaj słanoŭ i nosarohaŭ u inšych zapaviednikach, taksama parušajučy praviły — turystam zabaroniena dakranacca da dzikich žyvioł. Bijałohi i abaroncy žyvioł, u tym liku doktarka Vini Kiru, nazvali jaho pavodziny «prykrymi» i niebiaśpiečnymi, bo jany staviać pad pahrozu žyćcio jak čałavieka, tak i žyvioł.
Hety incydent adbyŭsia mienš čym praz tydzień paśla taho, jak inšyja turysty vyklikali abureńnie, błakujučy mihracyju antyłop hnu ŭ rehijonie Masaj-Mara, što zaśviedčyła nieabchodnaść bolš strohich praviłaŭ dla turystaŭ. Ministerstva turyzmu i achovy dzikaj pryrody Kienii abiacała ŭzmacnić kantrol u parkach, palepšyć infarmacyjnyja znaki i pravodzić bolš adukacyjnaj pracy, skiravanaj na pašyreńnie viedaŭ pra biaśpieku i praviły pavodzin u dzikaj pryrodzie.
Miljanier, jaki hadami zabivaŭ dzikich žyvioł, zahinuŭ na palavańni: jaho praciaŭ rahami bujvał
Dacki zaapark zaklikaŭ zdavać niepatrebnych chatnich žyvioł na korm drapiežnikam
Navukoŭcy znajšli žudasnuju pryčynu, čamu ludzi ŭpieršyniu zaviali chatnich katoŭ
Francuzskija čynoŭniki patrabavali ŭsypić dzika, jaki žyvie na fiermie. Za jaho zastupilisia tysiačy čałaviek, u tym liku Bryžyt Bardo
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary