У варшаўскай паліцыі расказалі, чаму ўчора ездзілі ў хаб «Робім Разам» Сяргея Бульбы
29 жніўня варшаўская паліцыя забяспечвала дзеянні судовага выканаўцы, якія тычыліся памяшкання на плошчы Канстытуцыі, 6. Пра гэта паведаміў прэс-афіцэр паліцыі Якуб Пацыняк, піша Reform.news.
Дамова арэнды паміж аб’яднаннем пад кіраўніцтвам Сяргея Бульбы і ўпраўленнем нерухомасці раёна «Срудмесце» скончылася яшчэ летась, а памяшканне працягвалася займацца без юрыдычных падстаў. Паводле інфармацыі Reform.news, арэнда і камунальныя плацяжы таксама гэты час не аплачваліся.
Адпаведна, паліцыя прыехала дапамагаць судоваму выканаўцу пры высяленні арганізацыі. Падчас высялення ўнутры памяшкання, як паведамляецца, знайшлі муляжы зброі, гранат і бронекамізэлькі. Некаторыя прадметы выклікалі сумневы, таму на месца выклікалі сапёраў з антытэрарыстычнага падраздзялення, а таксама пажарнікаў, медыкаў, дарожны нагляд і Сталічны цэнтр бяспекі. Тэрыторыю ачапілі, людзей з памяшкання эвакуявалі.
Аперацыя завяршылася каля 15-й гадзіны. Паліцыя паведаміла, што падрабязнасцяў яе пакуль не раскрывае.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары