Ветэран беларускага руху Зянон Пазняк у інтэрв'ю «Белсату» заявіў, што беларусам выгадна, каб мірныя перамовы паміж Расіяй і Украінай прайшлі ў Беларусі. Як таго і хоча Лукашэнка.
Пазняк гаворыць, што найважней цяпер для Беларусі — засведчыць сваю суб'ектнасць і захаваць незалежнасць.
Перамовы ў Менску — адно з такіх магчымасцяў.
«Таму мы гаварылі, што калі будуць мірныя перагаворы, то лепш за ўсё іх правесці ў Менску. Для Лукашэнкі гэта, як кажуць, бальзам на сэрца. Зразумела, яму трэба ўладу захаваць. Але для нас гэта ўмацаванне суб'ектнасці, гэта магчымасць паставіць [пытанне] аб непарушнасці ўсходніх граніц. Бо мы з'яўляемся суб'ектам тады. Нам трэба захаваць дзяржаву. Гэта вайна. Трэба думаць пра гэта. Будзе дзяржава — тады будзе і дэмакратыя. Не будзе дзяржавы — нічога не будзе, нацыі не будзе. Элементарныя рэчы», — кажа Пазняк.
Паводле яго слоў, цяпер сітуацыя такая, што мы можам страціць дзяржаву.
«Незалежнасць у нас вісіць на валаску. І калі будзе страчана дзяржава, то ўжо ніякай дэмакратыі і ні аб чым гаварыць не будзе патрэбы. Таму вайна дыктуе свае прыярытэты», — даводзіць ён.
Такім галоўным прыярытэтам зараз Пазняк называе таксама спыненне санкцый. «Санкцыі душаць народ, а на рэжым гэта мала ўплывае ў прынцыпе. Ніколі не было прыкладаў, каб санкцыі там знішчылі рэжым. Даводзяць народ да галечы, вось Куба, скажам, да галечы давялі народ, а Фідэль Кастра спакойна, як кажуць, спачыў у Бозе», — даводзіць Пазняк.
-
СМІ замяняюць беларусам дзяржаву. І інакш пакуль не будзе
-
Зміцер Дашкевіч: У выгнанні я валацуга, але маю тое, чаго цяпер не было б для мяне ў Беларусі — магчымасць прыносіць Госпаду плод
-
Каверын: У мяне расце дачка, і я хацеў бы, каб яна жыла, хутчэй, у тым свеце, які ўяўляюць сабе ідэальным феміністкі
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта11
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары