Нарвегія закупіць у Вялікабрытаніі фрэгаты на 11,5 млрд еўра — гэта найбуйнейшая інвестыцыя ў абарону краіны
Аўстралія і Канада таксама выбралі фрэгаты тыпу 26 для сваіх ВМС.
Урад Нарвегіі вырашыў замовіць у Вялікабрытаніі фрэгаты — гэта найбуйнейшая інвестыцыя ў абарону краіны. Пра гэта паведамілі ў прэс-службах урадаў Нарвегіі і Вялікабрытаніі.
Вялікабрытанія ў рамках найбуйнейшай па кошце здзелкі па экспарце ваенных караблёў паставіць Нарвегіі фрэгаты тыпу 26, прызначаныя для супрацьлодкавай барацьбы, на суму 10 мільярдаў фунтаў стэрлінгаў (больш за 11,5 млрд еўра), піша «Еўрапейская праўда».
«Нарвегія і Вялікабрытанія — блізкія саюзнікі, якія маюць агульныя інтарэсы і трывалыя двухбаковыя сувязі. Я ўпэўнены, што стратэгічнае партнёрства з Вялікабрытаніяй па закупцы, распрацоўцы і эксплуатацыі фрэгатаў з'яўляецца правільным рашэннем. Гэта партнёрства дазваляе Нарвегіі дасягнуць стратэгічных мэтаў, якія наш парламент вызначыў у бягучым доўгатэрміновым плане абароны», — сказаў прэм'ер-міністр Нарвегіі Ёнас Гар Сцьёрэ.
Аўстралія і Канада таксама выбралі праект фрэгата тыпу 26 для сваіх ВМС.
З лістапада мінулага года нарвежскія ўлады разглядалі Францыю, Германію, ЗША і Вялікабрытанію як стратэгічных партнёраў па фрэгатах.
Найбуйнейшае ў гісторыі Нарвегіі абароннае пагадненне прадугледжвае, што аб'яднаны флот з 13 супрацьлодкавых фрэгатаў — восем брытанскіх і прынамсі пяць нарвежскіх — будзе сумесна дзейнічаць у Паўночнай Еўропе, значна ўзмацняючы паўночны фланг НАТА.
Брытанскія фрэгаты тыпу 26 — гэта ваенныя караблі, спецыяльна прызначаныя для выяўлення, адсочвання і барацьбы з падводнымі лодкамі. Нарвежскія і брытанскія караблі будуць максімальна ідэнтычнымі і будуць мець аднолькавыя тэхнічныя характарыстыкі.
Нарвежскія фрэгаты будуць аснашчаны супрацьлодкавымі верталётамі. Рашэнне аб тым, якія менавіта верталёты будуць на нарвежскіх фрэгатах, яшчэ не прынята.
Нарвегія 20 жніўня афіцыйна стварыла другую брыгаду ў сваім арктычным рэгіёне на мяжы з Расіяй, зрабіўшы яшчэ адзін крок да выканання абяцання NATO патроіць магутнасць брыгады да 2032 года.
Нядаўна чатыры чальцы NATO правялі вайскова-марскія вучэнні ў арктычных водах у рамках больш шырокага разгортвання патрулявання Крайняй Поўначы.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь1
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары