Narviehija zakupić u Vialikabrytanii frehaty na 11,5 młrd jeŭra — heta najbujniejšaja inviestycyja ŭ abaronu krainy
Aŭstralija i Kanada taksama vybrali frehaty typu 26 dla svaich VMS.
Urad Narviehii vyrašyŭ zamović u Vialikabrytanii frehaty — heta najbujniejšaja inviestycyja ŭ abaronu krainy. Pra heta paviedamili ŭ pres-słužbach uradaŭ Narviehii i Vialikabrytanii.
Vialikabrytanija ŭ ramkach najbujniejšaj pa košcie ździełki pa eksparcie vajennych karabloŭ pastavić Narviehii frehaty typu 26, pryznačanyja dla supraćłodkavaj baraćby, na sumu 10 miljardaŭ funtaŭ sterlinhaŭ (bolš za 11,5 młrd jeŭra), piša «Jeŭrapiejskaja praŭda».
«Narviehija i Vialikabrytanija — blizkija sajuźniki, jakija majuć ahulnyja intaresy i tryvałyja dvuchbakovyja suviazi. Ja ŭpeŭnieny, što stratehičnaje partniorstva ź Vialikabrytanijaj pa zakupcy, raspracoŭcy i ekspłuatacyi frehataŭ źjaŭlajecca pravilnym rašeńniem. Heta partniorstva dazvalaje Narviehii dasiahnuć stratehičnych metaŭ, jakija naš parłamient vyznačyŭ u biahučym doŭhaterminovym płanie abarony», — skazaŭ premjer-ministr Narviehii Jonas Har Sćjore.
Aŭstralija i Kanada taksama vybrali prajekt frehata typu 26 dla svaich VMS.
Ź listapada minułaha hoda narviežskija ŭłady razhladali Francyju, Hiermaniju, ZŠA i Vialikabrytaniju jak stratehičnych partnioraŭ pa frehatach.
Najbujniejšaje ŭ historyi Narviehii abaronnaje pahadnieńnie praduhledžvaje, što abjadnany fłot z 13 supraćłodkavych frehataŭ — vosiem brytanskich i prynamsi piać narviežskich — budzie sumiesna dziejničać u Paŭnočnaj Jeŭropie, značna ŭzmacniajučy paŭnočny fłanh NATA.
Brytanskija frehaty typu 26 — heta vajennyja karabli, śpiecyjalna pryznačanyja dla vyjaŭleńnia, adsočvańnia i baraćby z padvodnymi łodkami. Narviežskija i brytanskija karabli buduć maksimalna identyčnymi i buduć mieć adnolkavyja techničnyja charaktarystyki.
Narviežskija frehaty buduć asnaščany supraćłodkavymi viertalotami. Rašeńnie ab tym, jakija mienavita viertaloty buduć na narviežskich frehatach, jašče nie pryniata.
Narviehija 20 žniŭnia aficyjna stvaryła druhuju bryhadu ŭ svaim arktyčnym rehijonie na miažy z Rasijaj, zrabiŭšy jašče adzin krok da vykanańnia abiacańnia NATO patroić mahutnaść bryhady da 2032 hoda.
Niadaŭna čatyry čalcy NATO praviali vajskova-marskija vučeńni ŭ arktyčnych vodach u ramkach bolš šyrokaha razhortvańnia patrulavańnia Krajniaj Poŭnačy.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary