Нягледзячы на заканчэнне летніх канікул, сезон забаў на атракцыёнах у парках культуры і адпачынку сталіцы працягваецца. Два новыя атракцыёны з'явяцца ў мінскіх парках ужо ў верасні гэтага года, паведаміў журналістам намеснік гендырэктара — галоўны інжынер УП «Мінскзяленбуд» Руслан Касевіч.
«Гэта атракцыён «Мікс» у парку імя Чалюскінцаў і атракцыён «Пажарная каманда» ў Цэнтральным парку імя Горкага. Я думаю, што ў верасні будзе пастаўка, і мы пачнем працаваць па мантажы гэтых атракцыёнаў», — растлумачыў ён.
Усяго ў Мінску, паводле слоў Руслана Касевіча, цяпер ёсць 59 атракцыёнаў, у тым ліку 26 — у парку Горкага, 14 — у парку Чалюскінцаў, 11 — у парку Уга Чавеса і 9 — у парку 900-годдзя Мінска.
Пры гэтым у 2025 годзе спісаныя два састарэлыя атракцыёны: «Лебедзі» (парк Чалюскінцаў) і «Вальс» (парк Горкага). У гэтыя паркі неўзабаве паставяць такія ж новыя атракцыёны. Закуплены і новы «Цмок» у парк Горкага.
У будучыні мінчукоў і гасцей сталіцы хочуць парадаваць таксама «Ладдзёй» і «Матацыкламі». Гэтыя атракцыёны, верагодна, закупяць у пачатку 2026 года.
Сезон працы атракцыёнаў ва ўсіх чатырох парках культуры і адпачынку сталіцы працягнецца да канца верасня. Але яго могуць і падоўжыць, калі гэта дазволяць ўмовы надвор'я.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары