У Нясвіжы адбыўся няшчасны выпадак: двухгадовы хлопчык атрымаў чэрапна-мазгавую траўму і страсенне мозга пасля падзення з атракцыёна, паведамляе БелТА.
Фота ілюстрацыйнае
17 жніўня дзіця 2023 года нараджэння трапіла ў Нясвіжскую цэнтральную бальніцу, дзе яму паставілі дыягназ — закрытая чэрапна-мазгавая траўма сярэдняй цяжкасці і страсенне мозга.
Хлопчык знаходзіўся ў дзіцячым забаўляльным цэнтры, дзе залез на карусель «Дэльфін». Калі яна пачала круціцца, малы спалохаўся і паспрабаваў саскочыць, у выніку чаго зваліўся галавой уніз і атрымаў траўмы.
Пры праверцы абставін здарэння ўстаноўлена, што ніякіх супрацьпраўных дзеянняў адносна дзіцяці не здзяйснялася — яно упала самастойна.
Каментары