Ракета Spectrum баварскага стартапа Isar Aerospace упершыню паспяхова дасягнула арбіты. Запуск адбыўся напярэдадні ўвечары з касмадрома Андоя ў Нарвегіі. Гэта першы выпадак, калі прыватная ракета з Еўропы выйшла на арбіту, а таксама першы арбітальны запуск ракеты з кантынентальнай Еўропы, піша Bild.
Кіраўнік Isar Aerospace Даніэль Метцлер назваў запуск гістарычным поспехам.
«Гэта цяжка выказаць словамі. Калі восем гадоў працуеш над нечым, неверагодна бачыць, што цяжкая праца ў выніку акупляецца», — сказаў ён Bild.
Паводле слоў Метцлера, кампанія дасягнула арбіты з другой спробы.
«Для параўнання: SpaceX спатрэбіліся чатыры спробы, а мы справіліся з другой. У канчатковым выніку гэта сведчыць на карысць еўрапейскай інжынернай школы», — заявіў ён.
Метцлер лічыць, што поспех Spectrum паказвае здольнасць Германіі і Еўропы рэалізоўваць буйныя тэхналагічныя праекты самастойна.
«Апошнія амаль дзесяць гадоў мне ўсе казалі: такое немагчыма зрабіць у Германіі, такое немагчыма зрабіць у Еўропе, мы не збяром грошы. А мы проста зрабілі гэта», — сказаў ён.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары