«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
2 верасня Лукашэнка сустрэўся ў Пекіне са сваім найбольш частым міжнароднам суразмоўцам — прэзідэнтам Расіі Уладзімірам Пуціным. Яны, як паведаміла пуцінская прэс-служба, абмеркавалі палітычныя і эканамічныя пытанні, вайну ва Украіне, агульнае міжнароднае становішча. Лукашэнку ж, як аказалася, вельмі хвалюе і заўтрашні прагноз надвор'я ў Пекіне.
Пуцін падчас размовы падкрэсліў, што тавараабарот паміж Расіяй і Беларуссю перавышае 50 мільярдаў долараў, і толькі з невялікай колькасцю дзяржаў у Расіі такія высокія паказчыкі. Лукашэнка нагадаў, што Беларусь займае прыкладна чацвёртае месца сярод гандлёвых партнёраў Расіі.
Таксама ўспомнілі пра нядаўні саміт Шанхайскай арганізацыі супрацоўніцтва. Лукашэнка адзначыў, што падчас яго меў магчымасць пагутарыць з многімі прэзідэнтамі і нават сустрэцца з прэм’ер-міністрам Індыі Нарэндрай Модзі, з якім даўно не сустракаўся.
Ён заявіў, што Беларусь падтрымлівае прапанову Кітая па глабальным кіраванні, асабліва ж, маўляў, важныя прынцыпы роўнасці і справядлівасці. Галоўнае, выказаў ён засцярогу, каб Кітай не адышоў ад гэтай пазіцыі тады, калі яго ўплыў у свеце будзе надалей расці.
Успомнілі таксама, што заўтра ў Пекіне будзе парад, прысвечаны заканчэнню Другой сусветнай вайны. Лукашэнка лічыць рашэнне прысутнічаць на ім правільным, аднак жа і панаракаў на прагназаваную на заўтра спёку, якую яму з ягоным здароўем дакладна будзе вытрымаць няпроста, і яшчэ невядома як справіцца Пуцін:
«Вядома, мы, як бы ні было складана, павінны былі тут пабываць. І дзякуй, што запрасілі на гэты парад. Больш за тры дзясяткі кіраўнікоў дзяржаў будзе на парадзе. Праўда, будзе горача, Уладзімір Уладзіміравіч. Пад 40. Нават вам будзе горача. Я ўжо думаю, як там нам на гэтым сонцы пастаяць. Ну, кажуць, яны там забяспечаць».
Урэшце Лукашэнка выказаў падтрымку Пуціну за нядаўнюю сустрэчу з Дональдам Трампам на Алясцы і адзначыў, што тая нібыта атрымалася вельмі плённай. Што да сітуацыі ва Украіне, то Беларусь, маўляў, цалкам падтрымлівае Расію і бачыць сябе разам з ёй у гэтай барацьбе.
Трампу ж ён увогуле падчас тэлефоннай размовы заявіў, што «мы адна краіна». Час нібыта пакажа, хто мае рацыю, а Еўропа яшчэ падзякуе Расіі і Беларусі за тое, што яны супрацьстаяць «нацызму, які можа перарасці ў фашызм».
Пуцін у адказ адзначыў, што Беларусь для Расіі незаменная гэтак жа сама, як Расія для Беларусі.
Лукашэнка абяцае кітайцам пабудаваць другую АЭС для іх цяпліц, а зарабляць на кветках і гародніне будуць Баскаў з Цяцерыным
Што за гатэль, у якім спыняўся Пуцін у Кітаі і куды запрашаў Лукашэнку
Модзі заклікаў Пуціна да хутчэйшага завяршэння вайны ва Украіне
Пуцін на пасяджэнні ШАС зноў заявіў, што Захад справакаваў напад Расіі на Украіну
Пуцін пасля сустрэчы з Трампам едзе ў Кітай святкаваць перамогу
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары