«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
2 vieraśnia Łukašenka sustreŭsia ŭ Piekinie sa svaim najbolš častym mižnarodnam surazmoŭcam — prezidentam Rasii Uładzimiram Pucinym. Jany, jak paviedamiła pucinskaja pres-słužba, abmierkavali palityčnyja i ekanamičnyja pytańni, vajnu va Ukrainie, ahulnaje mižnarodnaje stanovišča. Łukašenku ž, jak akazałasia, vielmi chvaluje i zaŭtrašni prahnoz nadvorja ŭ Piekinie.
Pucin padčas razmovy padkreśliŭ, što tavaraabarot pamiž Rasijaj i Biełaruśsiu pieravyšaje 50 miljardaŭ dołaraŭ, i tolki ź nievialikaj kolkaściu dziaržaŭ u Rasii takija vysokija pakazčyki. Łukašenka nahadaŭ, što Biełaruś zajmaje prykładna čaćviortaje miesca siarod handlovych partnioraŭ Rasii.
Taksama ŭspomnili pra niadaŭni samit Šanchajskaj arhanizacyi supracoŭnictva. Łukašenka adznačyŭ, što padčas jaho mieŭ mahčymaść pahutaryć z mnohimi prezidentami i navat sustrecca z premjer-ministram Indyi Narendraj Modzi, ź jakim daŭno nie sustrakaŭsia.
Jon zajaviŭ, što Biełaruś padtrymlivaje prapanovu Kitaja pa hłabalnym kiravańni, asabliva ž, maŭlaŭ, važnyja pryncypy roŭnaści i spraviadlivaści. Hałoŭnaje, vykazaŭ jon zaściarohu, kab Kitaj nie adyšoŭ ad hetaj pazicyi tady, kali jaho ŭpłyŭ u śviecie budzie nadalej raści.
Uspomnili taksama, što zaŭtra ŭ Piekinie budzie parad, pryśviečany zakančeńniu Druhoj suśvietnaj vajny. Łukašenka ličyć rašeńnie prysutničać na im pravilnym, adnak ža i panarakaŭ na prahnazavanuju na zaŭtra śpioku, jakuju jamu ź jahonym zdaroŭjem dakładna budzie vytrymać niaprosta, i jašče nieviadoma jak spravicca Pucin:
«Viadoma, my, jak by ni było składana, pavinny byli tut pabyvać. I dziakuj, što zaprasili na hety parad. Bolš za try dziasiatki kiraŭnikoŭ dziaržaŭ budzie na paradzie. Praŭda, budzie horača, Uładzimir Uładzimiravič. Pad 40. Navat vam budzie horača. Ja ŭžo dumaju, jak tam nam na hetym soncy pastajać. Nu, kažuć, jany tam zabiaśpiečać».
Urešcie Łukašenka vykazaŭ padtrymku Pucinu za niadaŭniuju sustreču z Donaldam Trampam na Alascy i adznačyŭ, što taja nibyta atrymałasia vielmi plonnaj. Što da situacyi va Ukrainie, to Biełaruś, maŭlaŭ, całkam padtrymlivaje Rasiju i bačyć siabie razam ź joj u hetaj baraćbie.
Trampu ž jon uvohule padčas telefonnaj razmovy zajaviŭ, što «my adna kraina». Čas nibyta pakaža, chto maje racyju, a Jeŭropa jašče padziakuje Rasii i Biełarusi za toje, što jany supraćstajać «nacyzmu, jaki moža pieraraści ŭ fašyzm».
Pucin u adkaz adznačyŭ, što Biełaruś dla Rasii niezamiennaja hetak ža sama, jak Rasija dla Biełarusi.
Łukašenka abiacaje kitajcam pabudavać druhuju AES dla ich ciaplic, a zarablać na kvietkach i harodninie buduć Baskaŭ ź Ciacierynym
Što za hatel, u jakim spyniaŭsia Pucin u Kitai i kudy zaprašaŭ Łukašenku
Modzi zaklikaŭ Pucina da chutčejšaha zaviaršeńnia vajny va Ukrainie
Pucin na pasiadžeńni ŠAS znoŭ zajaviŭ, što Zachad spravakavaŭ napad Rasii na Ukrainu
Pucin paśla sustrečy z Trampam jedzie ŭ Kitaj śviatkavać pieramohu
Kamientary